في الجرايد حاطين عرض خطير لـ أودي Q7
سعر السيارة 305,000 درهم
ثلاث سنوات ضمان و خمس سنوات صيانة
واللي أهم من هذا كله, أن يسون تمويل لمدة 4 سنوات بدون فايدة مع أبوظبي الإسلامي
بس حبيت أسمع رأي الشباب في السيارة من ناحية الأعطال أو العيوب إذا في شي..
و أهم شي, هل الكراسي مريحة للمسافات الطويلة؟
الصراحة أنا محتار بينها و بين لكزس Lx 570 و مرسيدس Gl 500
لا تبخلون علينا بتجاربكم
والسموحة
305 ال6 سلندر ولا 8
انا انصحك في اللكزس
ومادري عن الاودي شي غير
عقب انها مااتيبلك سعر عقب البيع عكس اللكزس لانه مرغوبه اكثر
والله يوفقك
سبحان الله حد يمدح الاودي وحد يذمها …
اخوي انا نصيحتي لك ابعد عن الاودي خير شر .. انا ربيعيي ماخذنها 2008 ماشيه 35.000 الف والحين واقفه في الوكالة ومشتكي عالوكالة في الدائرة الإقتصادية لانها هذي 3 مره تخترب عنده وكلها اعطال ميكانيكية .. والوكيل عاد اسأل عنه وعن معاملته للزباين ..
اللكزس ياباني وما يسوى تعق فلوسك عليه …
نصيحتي لك اصبر كم شهر وبينزل البورش اليديد .. وخذ وانت مغمض …
والسموحه
انا عندي اودي من سنتين
حمدالله لا خرابة ولا شي بالعكس معاملتهم من احسن ما يمكن
و ثاني شي لو تقارن مع لكزس
شو بيعطونك من الضمان
كل 5000 كم لازم تودية الوكالة للتجيك يعني بتدفع
احسب تكلفة التجيكات على مدى 4 سنوات يمكن بتدفع فوق ال 20000 الف هذا اذا مب اكثر
الحينة الواحد يوم بياخذ سيارة اول سؤال بيسالة الوكيل شو ال Service Contract
يعني الاودي بيعطيك free service contract
لمدة 5 سنوات او 105000 كم
الصراحة ولا في الخيال
اما الكزس بس 5000 كم و لاضمان 60000كم و بدون free service contract
ما عليكم من حد اهم شي تسال الشخص الى مجرب الاودي
و انا متاكد الى يالسين يحطون على الاودي فحياتهم ما ركبو ولا ساقو اودي
حتى قارن من الناحيو السيفتي ولا البودي شو الاقوى اكيد الاودي
توكل على الله و خذللك اودي
شو تاخذلك لكزس قوطي
الغالي انا عندي اودي ومعاملة الوكاله خايسه .. كل ما اسير لازم اتهازب وياهم !!
وانا انصحك بالكزيس وسعره فيه ومع الايام سعره ما يطيح !
وبالبركه مقدما الغالي
السلام عليكم
اذا انته ريال ماتهمك الفلوس وتبدي راحتك خذ الأودي وانته مغمض
اللكزس عباره عن ستيشن معدل لا اكثر ولا اقل , بريك تعبان , زنن ما فيها , رنقات الخليجي مووول مب حلوة لازم تطلب الرنقات ال20
باختصار خذ الي فخاطرك وماعليك من البيع لأن الي بيفكر يبيع السياره قبل لا يشتريها ما بياخذ غير الياباني عشان يوم يبيعه يحصل جيمه, الألماني ثبات وهادي عالخط مب الياباني يدخل هوا ويلعب بك يمين ويسار من يهب الهوا
الله يوفجك يا خوي
ا