● والله تيبست من الخوف يوم عرفت السالفة ، خواتي دخيلكم لا تمشون فالفريج بروحكم ابد ..

65 thoughts on “● والله تيبست من الخوف يوم عرفت السالفة ، خواتي دخيلكم لا تمشون فالفريج بروحكم ابد ..”

1. هههههه
   عيناويات تقليد
   اذا اصل
   مابيقصرون فيه اقل شي بنعال ولا حصى بيسوون فيه “انتفاضه فلسطين”
   خخخخخخخخخخ

2. تقبلي مروري لو كنت مكانهم كنت بخليه جثه هامده ما كنت بشرد بخليه يشرد و ينتحر

   خوفهم هو الي خلاه يتجرأ

   لو سادحتنه بطراق جان شرد مثل الجلب ..

   تقبلي مروري

   شكراً على حرصكم في القضاء لى مجتمع العزوبية !!

   واكيد الكل بيتقبل مروركم في المنتدى دام السالفه فيها طراقات وتسديح

   الله يستر على المقبلين على الزواج

3. السلام عليكم والرحمه

   السالفة مستوية في العين لـ ربيعتي الروح بالروح وخالتها الي فـ مقام خالتي ..

   ربيعتي كانت فـ بيت خالتها وطلعو يمشون فالفريج الساعة 11 و ثلث
   كان المكان هادي وهم يمشون و سوالف ولا يخطف عليهم هندي ع سيكل
   شافوه وسبحان الله خالتي ما ارتاحتله من شكله و قالت أعوذ بالله شكله مجرم !!

   المهم الريال راح بسكيله وهم تمو يمشون ..
   بس شو سوى ؟ راح وبركن السيكل ماله بعيد و رجع يمشي وراهم ع أطراف أصابعه
   وهم مب حاسين به أبـــد .. فجأة التفتت خالتي وشافته وراها ..

   ربيعتي صارخت واندست ورى خالتها ، وخالتها صارخت عليه
   قالت له شو يريد نعم ؟؟
   الهندي مول ماكان خايف وتخيلوا فـ نص الشارع تشلح عزكم الله ..
   وكان يسوي اشيا مب زينه ..

   هم شردو و تمو يدقون باب الجيران بالقو ويصارخون ويستنجدون بس محد فتح لهم ولا حد سمعهم
   ويقولون له بندق ع الشرطة وربيعتي ميتة من الخوف
   وساعة لين عرفت تدق ثلاث تسعات و يتصلون جدامه و يكلمون العمليات
   وهو مب خاااااااااااااايف ولا مفكر يشرد ، بالعكس كان يقرب صوبهم بس يمشي شوي شوي ..

   يتهم الشرطة بعد خمس دقايق من الإتصال
   والريال راح عقب ماخلص الي عنده بس ماقرب صوبهم الحمدلله ..
   دخل فـ سكه و اختفى ..

   خواتي دخيل والديكم لا تمشون فالفريج .. سالفه المشي فالفريج هاذي
   أولاً مب حلوة و ثانياً مب أمان وتعرضون نفسكم لأشيا انتو في غنى عنها ..

   الي تبغي تمشي تروح حديقة نساء أو تمشي مع حد من اخوانها ..
   مشكلتنا نقول أمان و أمان ، بس الزمن تغير وماعاد في أمان مثل قبل ..

   و الله تيبست من الخوف يوم عرفت السالفه وأول مابدت تقولها لي
   يوم قالت كنا نمشي فالفريج قلتلها تستاهلون ..
   بس عقب ماعرفت السالفة قلتلها لا ماتستاهلون =(

   وهم الله يهديهم ماشيين فوقت متأخر
   دخيلكم ديرو بالكم ع أرواحكم ..

   ربي يحفظنا ويحفظكم من كل شر
   وان شاء الله ينزخ هالهندي و يتسفر حسبي الله عليه ..

   الله حفظهم من شره حسبي الله عليه وعلى امثاله

   بس اسمي مكتوب تبين شي

4. اهم ما يطلع صوب فلل توام ^_^
   البنقال والهنود هناك الله اعلم من وين يظهروون

   وانا دوم اشوف الحريم والعيال وجي يتمشون دوم
   من عقب صلاة المغرب لين الساعة 12

   لكن الحين يالسين يعدلون شي في مستشفى توام
   وطلعو هنوود تقول سماسيم

   والله كل دقيقه يا واحد خاطف جدام البيت ولا حد راجع

   الله يعيننا والله يستر علينا

5. نفس اللى حصل مع بنت جيرانا كانت تتمشى والا الهنى مايخلى مكان الا ويمشى وراها حتى قدام بيتهم اتصل على طول ع الشرطة وماشاء الله عليهم فى دقايق كانو ماسكين الهندى

Comments are closed.