!
!
!
انا شفت الزهر مايل
وظنيته يناديني
قطفته
.. يوم ضميته ..
!.. لقيته للأسف ذبلان ..!
!
!
عرفت انك زهر عمري
عرفت انك بساتيني
وغيرك قيض مايروى ..
سرابٍ يشقي العطشان
!
!
انا لو ماحصل ماكان
وشهو اللى يدرّيني
]
بأنك ماسواك انتى ..
سكنتى القلب والوجدان
انا اسف على اعذاري
عجزت ألقى عذر فيني
يليق بغلطتي في حقك
و يرجع كل شي ٍ كان
احبك كثر أخطائي
وادري انك تحبيني
وادري لو تفارقنا
فلا نقدر على النسيان
!
!
اذا تقوى على فراقي
و بعدي عنك ..
خليني
انا مليت من دور الكرامة
ولعبة الغفران
قليل العمر يا انتي
دموعك ما تساويني
حرام انه يضيع فراق
!.. هي من قلها الأحزان ؟؟ ..!
!
!
حقوق التنسيق محفوظه ©
!
!
يا تاج راس العز يا تاج راســـــي
يا راعي الطولات .. يا صفـوة الناس
شامخ يا بو خالد شموخ الرواسـي
وأهل المعالي كلهم من بنـي ياس
في العدل لك .. قلبً .. شديدً و قاســـــي
وفي الخير لك .. قلبً .. رهيفً و حساس
داخل .. عيونك .. دار اهلي و ناســــي
لو سهروها .. قلت .. يا عيــــن لاباس
!
!
أذا نطقت يفيـــــض درً و ماســـــــــي
واذا سكت اغتاض من صمتك الماس
حاتم عطى .. مثلك .. بليا قياســــــــي
لكـــن .. جودك .. مدخل بحاتم الياس
.. لو ببحر بطيبك فقدت المراســـــــي ..
.. يا نهر ماله في مدى الطيب مقياس ..
ما يوم كنت لصاحب الفضل ناسي
يجذبك لهل الطيب قلبك و لحساس
ما جيت انا ملينً وصايفك كاسـي
.. منهو يطول بكلمته وصف نبراس ..
جيتك غلا .. يا شيخ يا تاج راسـي ..
حبيت بك يا سيــــدي كل نوماس
!
!
!
.. الله كريم .. الله عليم ..
.. هو عالمٍ بالحال .. ولا يمكن يظيم ..
.. عزاه لك ..
.. يا قلب يا أحلى نديم ..
.. عزّتي ..
.. للحب لو يصبح يتيم ..
.. حبك يتيم .. و كلك ندم .. !!
.. وين الندم بين السطور .. ؟؟
.. عمر العدم ماله ظهور ..
ترى هذا غـــرور .. هذا غـــرور ..
!
!
.. تمشي بطريق و أنا بطريق ..
إللي يوديني .. لبعيـــــــــــد ..
عنّك يا أول رفيق ..
.. البعد .. يعفيني المزيـــــــــــــــد
.. وين الوفى و التضحية .. ؟؟
.. وينك رفيق .. ؟؟
وبتجمع أوراق السنين !!
لا تنسى تجمع جروحي و دمعي و آهـاتي معــك ..
وقلبي بعد ما قتلته .. يا رفيقي ..
.. ما عاد يقدر يمنعك ..
كل الأمر .. عاد بيديك ..
.. يا خلّ يا هـاجــر ..
.. ما عندك عــذر …
!
!
السلام عليكم ورحمة الله وبركاته
اخويه كبير
الله يعينك ويسهل ويسر امورك في الدارين
مووووووووووووووفق
ننتظر يديدك ^ ـ ^
تسلم وتدوم
مـَـازالـَـ الِإبـْــدَاعُ مُسْتَمِـــرَاً ـ ـ ـ ..
لَا عِِدمْنــا قَلَمَــكـ المُبــدِع ـ ـ ـ ..
كُــل الاحْتِـــرامْ وَ التَّقْديـــــرْ ـ ـ ـ ..
..BِnْT_ NَaSْ.. سَابِــــقاً
هلا اختي ..
اشكرج على التواجد الدائم
وان كان هناك ابداع كما تقولين فهو لا يكتمل الا بحضوركم
والقادم احلى واجمل
.. لاخلا و لاعدم ..
تألق
وروعة
وابداع
تنسيق ولا اروع
واختيار ولا اجمل
شكرا
هلا اختي العذوب ..
التألق حصري لكم
و الاروع حضوركم
والابداع لا يكتمل الا بكم
وحشتينا يالعذوب .. وينج من زمان ؟؟؟
لا تقطعينا فـ القادم احلى و اجمل
.. لاخلا و لاعدم ..
[quote=البورصه;1979310]
كلام كبير يا كبير .. ما شاء الله عليك ذوق وحس راقي
تسلم والله يعطيك العافيه
هلا هلا صديقي الغالي
الله يسلمك و يعافيك
ما دامك متابع .. ابشر .. القادم احلى و اجمل
وان شاء الله يعجبك
.. لاخلا و لاعدم ..
مرحبا اخويه
رائعه الكلمات والصور
وابداع في التنسيق
نستمتع معك دووووووووووووم
ننتظر ابداعك القااادم
تسلم وتدوم
وعليكم السلام اختي همس بوظبي
حضوركم منور الصفحه ولا نستغني عنه
وما دامكم مستمتعين معنا فـ القادم احلى و اجمل
شكرا لتشجيعكم المستمر
.. لاخلا و لاعدم ..
مرحبا اخويه
اختيارك للكلمات هل له اسباب ؟؟؟
ولا مجرد اختيار عشوائي؟؟؟
لان الكلمات تدل على جرح
والسموحه منك
ننتظر يديدك دوووووووووووووووووووووم
تسلم وتدوم
هلا اختي همس لا نار بلا دخان
واكيد الاختيار ليس عشوائياً لان الذئب لا يهرول عبثا و الغايه تبرر الوسيله
والجديد في الطريق اليكم
شكرا على حضوركم و تواجدكم الدائم
.. لاخلا و لاعدم ..
في انتظار جديدك يا صديقي
هلا هلا الغالي
اشكرك على التشجيع المستمر
والجديد آت لا محاله ما دام تشجيعكم لي مستمر
لا تقطعنا .. لاخلا و لاعدم ..
مرحبا اخوي الرحال
والله انك فلـــــــــــــه
اخيتاراتك رهيبه
ننتظر يديدك
والسموحه من راعي الموضوع
تسلمون وتدومون
الله يسلمج
خذي راحتج الصفحه صفحتكم
و الرحال ما شاء الله عليه منور الموضوع بمشاركاته الحلوه
صح الله لسانك يالشاعر
ما عليك زود والعين ما تعلا على الحاجب
و انا دائم متابع لما تكتب
لا تقطعنا ولا تحرمنا من مشاركاتك الجميله
.. لاخلا و لاعدم ..