السلام عليكم
بغيت افتح خياط رجالي .. بس متردده لن المكان شوي منقطع ولكن اللي خلاني افكر في هالشي انه قريب من سكن الطلاب الجامعي وفيه مقهى وفي صالونات حلاقه و مغاسل البسه واشوف وايد شباب هناك .. انا كنت بفتح خياط نسائي ..لكن قلت الخياط الرجالي يمكن يكون احسن.. شو رايكم؟؟
ولو فتحت خياط رجالي .. شو الاقمشة اللي الشباب يفضلونها ؟ وشو الاسعار؟ وهل الشباب بيخيطون عنده ولا بيروحون للخياط الفلاني (الخياييط الكبيرة) عطوني رايكم و افكاركم بليييز
وشكرا : )
القناص ..شكرا على اقتراحك وهذا شي اكيد وضروري
بندور المورد الرئيسي للاقمشة الرجالية .. محد عنده فكره عن الموردين؟
أنا أقترح تعملين دراسه عن أنواع القطع وأسعارها
وبالتوفيق
بوظبي 22
AlAIN1001
مشكورين على ردودكم الطيبة
بصراحه فكرة حلوه ولكن يبالها تفكير وبعد خطه تسويقية ناجحه
وهذا يعتمد على ماذا تريدين من المشروع
هل دخل وخلاص بتحصلين اي باكستاني يعطيج بيزات وخلاص
ام اذا ناويه تفتحين خياط رجالي وكل الناس تيه لازم شي جديد وخطه تسويقية ناجحه
انا بصراحه يالس افكر في هذا المشروع ولكن ابا اسوي شي صح يعني مب خياط وخلاص
شي ع طراز فنااااااااااااااان
وعلى طاري الفكرة السموحه منج لانها بداية المشروع هو الفكره للي معظم رجال الاعمال يعتبرونها هيه الشرارة الاولى لنجاااااااح المشروع من عدمه
والسوحه
و الله اختي حاليا الشباب كلهم طايحين عند الخياط العربي الممتاز لأنه عنده قماش الختم و قماش الماني الي هو محتكرنه ( هذي الاقمشه مره ثقيله و خاصة الألماني)
قماش الختم الكندوره ب 240
قماش الماني الكندوره ب 350
الاقمشه العاديه عنده ب 180 الكندوره
مع العلم أن في وايد محلات ثانيه عندهم نفس الاقمشه بس بأسامي مختلفه بس مع ذلك العربي ماخذ معظم الشباب
أما بالنسبة للكبار و بعض الشباب الي يلبسون الأقمشه الخفيفه فهذي متوفره في كل مكان و تحصلينهم في اكثر من خياط و بصراحه معظم الخياطين الي عندنا في بوظبي خاصة في منطقة مدينة زايد كلهم ناجحين و عندهم زباينهم ……
و السموحه