السلام عليكم بغيت مساعده اخواني و خواتي انا ناويه استقيل من وظيفتي لاسباب كثيره اولها ان تعرضت للسب من قبل موظفه ويايه في الدوام و ما ارديت عليها بنفس الشي اخلاقي ما تسمح لي علي طول سرت Hr عشان اشتكي و مع الاسف هم مب ماخذين السالفه بجديه ليش ………. بكل بساطه ما فيهم يعورون راسهم و قالولي ما عليه انسي ؟؟؟ عادي ترا احين الواحد ينسب
السبب الثاني عطوني وظيفه و هميه و اول ما واجهتهم قالولي كل شي مكتوب في الجوب ديسكربشن بس جيه عشان و ما عدنا وظيفه حقج يعني استقيلي بكل بساطه والله حالتي النفسيه تعبانه و الصحيه
السبب الثالث الدوام وايد طويل حق وحده عندها اعيال من ٨ لين ٥ والله اوصل البيت علي اذان المغرب
اتمني لو حد يقولي وين اقدر احصل وظيفه لين ٢ ونص و مكان مطور في نفس الوقت .
اسمحولي بثجل عليكم بس كله ولا كرامه الانسان
هيه نعم اخويه جامعيه الحمدالله والله جان زين انحصل نفس رواتب بوظبي و العين في دبي
__________________
بس انا من دبي والله ودي اداوم في بوظبي و العين بس درب طويل
لا اخويه بالعكس انا واجهة و طلبت انسوي اجتماع بس هيه الي رفضت انها تي الاجتماع
الوظيفة تعتمد عالمؤهل … و اذا كنتي جامعية امورج طيبة ان شاء الله .. مع انه صعبه الوظايف بدون الواو … لي الله كريم و ما ينسى عبده …
أول شي عليج بالدعاء ..
ومثل ما قالو الشباب .. دواير بوظبي المحلية رواتبهم حلوة و مجزية .. بس الدوام لين 3 مادري 4 أعتقد … و اذا بغيتي دوام لين 2:30 عليج بالوزارات الاتحادية (العدل – الاقتصاد مثلا) و الراتب للجامعي ما يتعدى 14 و شويه مع الزيادة …
و الله يوفقج و يعينج على طاعته
حاسبي المقصرين
وعليج ببرنامج استديو واحد حتي يكونون عبره