لاحظة شخصيا ازدياد الطلب على المزارع والعرض متماسك وقليل جدا والسبب هو
لان المزارع المتداوله قليله جدا
يعني الي عليهم ملكيات عددهم قليل جدا
والي يقولك اشتر وانا بحولك اياها اقولك غير صادق وراح يطنشك وفالنهايه راح يسحبها منك او ابنائه راح يسحبونها منك والقانون لا يحمي المغفلين
نرجع لموضوعنا المزارع اسعارها متماسكه واتوقع باذن الله في شهر 10 2009 ارتفاع الاسعار وبشكل جنوني
الناس كلها تحب يكون عندها مزارع وعلى المناطق الخارجيه والسبب الراحه والاستجمام والبعد عن الزحمه والجو الملوث
وافضل مناطقة لشراء المزارع الي في بوظبي و العين
لان الامارات الشماليه لاتسمح للبيع واذا سمحت ممنوع البيع لغير الشخص الي يملك جواز من اماراه ثانيه

وتقبلو تحياتي
الامارات

8 thoughts on “زيادة الطلب على المزارع”

  1. السلام عليكم ورحمة الله و بركاته

    حبيبي صاحب الموضوع أنا من النوع إلي ما يفقه في العقارات بس بذكر بعض الأمور

    أول شي أنت حاط موضوع للنقاش فلازم تتقبل الأراء المختلفة

    وإذا كان عندك مزرعة وتبا تبيعها بسعر غالي فمايحتاي تسوي موضوع وأنت عارف أن الأسعار نازلة ولله الحمد

    وثانيا الناس حاليا تفكر في الأشياء المظمونة يعني مثلا عندي مليون باخذ أرض وبستثمرها عن طريق أي بنك وبأجرها دخلها أفضل من مزرعة … لازم أزرعها وأدور تسويق وبلاوي مالها أول ولا آخر هذا إذا ما كانت نسبة الملوحة إلى فيها عالية جدا

    مثال حي من المنتدى أحدى الأخوات عرضت مزرعة في الباهية بـ 3 مليون وفي غضون فتره بسيطه وصل السعر إلى 2500.000 طبعا أسعار هالمزارع وصلت لـ 4 مليون في فتره من الفترات
    http://satfrequencies.com/invest/uae295836/

    وغيرها أمثله كثيرة شوف المنتدى

    للعلم السعر يعتمد على العرض والطلب والكل يعرف هالشي
    ومحد يعلم الغيب يمكن اليوم تنباع برخيص وباجر يرتفع سعرها ويمكن العكس صحيح

    و في نظري أنا أن أسعار المزارع نازله ويالله تنزل زود وزود ويا مزرعة اليوم بفلوس باجر ببلاش

  2. عزيزي لا تتكلم في امور ماتفقه فيها !!

    معروف 90% من مزارع العين حجمها 600 * 600

    اذا بتيب لي مزرعه 300 * 200 ومافيها ماي واخر العين بتحصلها ب 400 الف !!

    الي في بدع زايد قبل الازمه كانن بسعر 350000 درهم

    الحين مابتحصلها ب 700 الف !!! برغم من الازمه !

    قوم طلع لي 600 * 600 بالسعر الي ذكرته والشراي انا !!!

    اما تقولي كانوا عارضين …ربيعي قالي !!! هذي الافلام الي مخرجها تكون انت لا تتكلم عنها !!!

  3. اخوي انتة وين عايش

    في زامبيا و لا في جزر

    الواق الواق ( انا بنفسي قارئ عن مزرعة في الخزنة ما دري في الختم بـ 400 الف و اذا تفاوضة يمكن يصل الى 330 الف )

    تقلي مزارع ما ورها فايدة الناس اللحين ادور الكاش و ين يكون و انتة طالعلي في المزارع اللي كلها خساير في خساير .

  4. صدق ؟

    عندك مزرعه سعرها نازل بشكل كبير جدا ؟

    وين لاني انا عايش في موزمبيق ماعرف الاسعار

    لوسمحت هات لي مزرعه من بين مئات المزارع الي بالعين ويكون سعرها نازل جدا على قولتك

    الشراي موجود وبيعطيك كوميشن بعد

    اتريا المزرعه منك

Comments are closed.