نزلنا السياره قالوا حجز
ركبنا هيدرز قالوا امسوي ازعاج
ركبنا استيكر عطونا مخالفه
والله ماشئ شغل
انا اباهم يسجنوني اذا سقت بتهور اذا داعست اذا افحط اذا فعلا كنت امسوي ازعاج
لاكن يوم الواحد ماشئ في حاله ويوقفونه ويقولوله موترك عليه صوت هذا حراااااااام ومايستوي
اونه شو نحن شباب مستهترين ونلعب وما ادري شو
والمواتر الي مزوده في الوكاله وصوتها مثل الدبابات عادي ما يقولولهم شي عيل هل الجمسات الي صوتهم ايخوف مكاين 8 او 10 سلندر عادي يحط صوت
والله بس امركزين علي هل الثلاث سيارات استيشن وكلوزر والفتك
حطينا كاتم خالفونا حطينا دايركت بعد خالفونا سوينا نص ونص بعد خالفونا
اونه شو موب وكاله
والله حرااام ارحمونا
الرادار استوي 400 و 500 و 600
المواطنين ما امحصلين شغل
الواحد حر بموتره انا ما قلت يعني بركب صوت ازعاج ازعاج يعني في حدود المعقول
بس زينه موب عسب دعاس او ويلات
انزين ما عليه لو يبون يمشون هل القوانين خل يمشونها علي الاكل موب ناس وناس
والله اذا تعرف حد يمشولك اياها واذا ما تعرف يقولك موووووووووووت
ورمضااااااااااااان بعد وما يرحمون
اذا غلطنا حاسبونا ان معاكم نحن نستاهل
لاكن اذا انا ماشئ بحالي ليش يعني
والله اقص ايدي اذا هو ما عنده موتر مزود
والله احس انهم بس جي
والله مسكين انا ماشي بحالي طالع من بوظبي وساير دبي بسير ارقد
اثاريه امخبر الشرطي الي جدام عسب يوقفني وين وقفني شرطة بوظبي وعلي خط دبي
علي بداية شارع الشيخ زايد
والله نذااااااااااااااااااااااله
عيل اسير اشرب احسن او اسير هل المراقص والديسكوات احسن
شو بقول بس
معني موب راقد من امس بس والله مقهوووووووووور ما سويت شي كيف كذي
انا اشوف شرطة دبي موب كذي
يعني اذا سويت شي صح يخالفونك بس موب مني والدرب
تزويد الشركات فيهم سيفتي
يعني لو عندك سفك مزود هههه
بتقارنه بثبات الأم فايف …….
ولي يزودون النياسين توربو وخبصة …. آخر شي تواير تسعمية
بذمتك التسعمية وين تيود يوم تجس بريك
كل ماكان التاير بيضاوي مايمسك القار …..
لاتحاااااااااااااااااااااااااااااول
أنته في نظر القانون مخالف …… إذا حاس أنك مب مخالف روح راجعهم وعطهم أدلة وبراهين
كل واحد وميوله وهوايته اونه انت مراهق مل 18 سنه
يا بوي شو فيها لو عدلنا علي سيايرنا اونه بيزيد عدد الاحصنيه الهيدرز والفلتر لو زادوك بحدود الي 8 او 10 او 15 حصان
عيل السيارات الاسبورت عدد الاحصنه فيها 400 500 600 و 700 ما منعوها
اونه فيها سيفتي
ياريت لو انك ما حطيت رد
ولا تعال اسمع صوت الفراري ولا اللمبرجيني ولا ما ادري شو بعد
يطر طبلة الاذن والله اونه وكاله عادي ما فيها شي
ولا الدراجات مثل الهارلي والله يوم يخطف عليه هارلي شو ما يخوفك وينقزك صوت اعوذ بالله منه
وعادي بيقولك هذا صوت وكاله
للأسف كل الكلام إلي قلته يدل أنك مراهق قوم بو18 سنة
شو تبابه التنزيل (( أكيد تنزيل حراري بعد )) …. تبا تتم تناقز
أشتري لك منز وناقز عليه
وصوت تراه من أستوت الخليقة وهو ممنوع لأنه تزويد يزيد عدد الأحصنه في السيارة ويسبب أزعاج للناس
والأستكرات شو تبابهم يعني بدون أستكر الموتر مب شي …
ولا تبغي تكتب المجروح ورى على الجامه ههههه
للأسف كل إلي في صالحكم تشوفونه غلط
هم مايخالفونك عسبت يبغون يسحبون فلوسك ويخسرونك ……… يبغونك تخسر عسبت تتأدب وتصطلب عسبت مايخسرونك أهلك لاسمح الله في حادث ….. الحكومه تبغي سلامة عيالهاااااااااا
كم وكم وكم من الشباب ماتوه ……. شو أستفادوا غير عذبوا قلوب أهلهم
بصراحة الموتر وكالة وكالة مافي أحلى منه …..
لا حد يقول الحين اونه انت غلطان او تستاهل
او اونه انتم الشباب مستهترين
وشوف الحوادث وما ادري شو
صح انه كلامي كله علي الفاضي
ولا منه فايده بس احس اني ارتحت
ولا مخالفه الساعه 11:10 رمضان رمضان ياناس
انا بسير ارقد احسلي
الا هي حجز شهر
يالله بويدها يوم يتعدل الجو
والله حسن شي بسير اخذلي جيب اس ار تي الي طبلونه 280 وماشاء الله صوت صوت عليه طبعا وكاله ومحد يروم يقولي شي
ولا فورد موستنج ولا ام فايف ولا لومينا وبركبلها هيدرزات وصوت ومحد بيقول شي
انزين ترا نفس الشي شو فرقة وكاله ولا موب وكاله
ترا شي صوت شي صوت في ازعاج