السلام عليكم,
في ناس ما شاء الله يحبون ينشون من الصبح الباكر. يعني من بعد الفجر ما يحب يرقد, يحب يطلع ويتمشى.
وفي ناس ما تحب نشة الصبح خير شر. ينش 11 ونص وما بعد وهذاك يومه.
انت من اي نوع وليش؟
عن نفسي, احب نشة الصبح واحب اطلع, اتمشى بالسياره صوب البحر والا في سكيك فرجانا الاوليه.
لان فترة الصبح تشوف الناس هاديه, تمشي بهدوء وماشي زحمه, ولطافة الجو مفعم بالاكسجين (<< مب فاهم معناها بس يت عالبال), وتسمع اصوات العصافير. احس براحه نفسيه.
بعكس النشه المتأخره, احس ان اليوم كله طار. احس بضيق, وايي وقت الظهر, احس بصخه فضيعه, وحر ما تروم تسير مكان. والعصر زحمه وحشره واضرابه ناقص تشوف سياره تعفد فوق سياره ثانيه.
هذا بالنسبالي, شو بالنسبالكم, وليش؟
انا انش احيانا من الساعه 6 لو كثرت 11 بس انش وارقد ويا اليهال
بسم الله الرحمن الرحيم
نيالك اخي والله التكبير مفيد للعقل والجسم واتباع للسنة
انا ارجع انام بعد الصلاة للتسعة او التسعة ونص على حسب وتحس ان النهار خلص بسرعة
وايد حلوة نشة الصبح وايد احبها للأسباب اللي ذكرتها اختي القنوعة
حتى اليوم ناشة الساعة 4 بدون منبه
انا بعد احب نشة الصبح
بس وقت الدوام احسبه بكير وايد ،، يعني احب انش على راحتي متى ما اشبع بس ما اتعدى 8:00 الصبح
والا احس الوقت كله راح
لكن لما اقوم مااقدر ارجع انام … لو رجعت نمت اييني صداع …. لاني اقوم للصلاة خمس والساعه ست الدوام …
واحب انام بدري … مااحب اقوم الفجر وانا فيني رقاد … لاني اقوم بروحي بدون منبه …
الحمدلله
ومااحب رقاد الظهر مووووووووووليه … احب الرقاد فالليل
… نوم الليل غير شكل