بسم الله الرحمن الرحيم
اكيد خلال هالفترة كلكم ملاحظين هبوط الاسعار في كل شي خصوصا الاسهم
اما العقارات فبدأت بالهبوط القوي منذ عدة ايام حتى وصل سعر القدم في مرسى دبي الى 900 و 850 درهم طبعا لبعض العقارات الابراج و تغير جميع الاسعار الى الادنى
فلل النخلة اللي كانت تنباع قبل 3 شهور ب 19 مليون الحين زين لو تيب 8 او 9 مليون وبعضهم يبيع على 7 و6 مليون
و ايجاراتها قبل كانت 500 و فما فوق الحين كلها 450 وما تحت
والدسكفيري جاردن يحيلها كانت الغرفة وصالة ب 1.2 تقريبا الحين محد ياخذ ب 800 الف
والله يستر من القادم
على ما اظن في رايي انا انه اللي عنده عقار و ماعليه اقساط لا يبيع
الله المستعان واعطونا ردودكم على وضع السوق عند الجميع
وقعو في شر اعمالهم سبحان الله ..
الله يستر من الي ياي ..
Rbt
الرسول صلى الله عليه وسلم نهانا عن احتكار السلع بغرض بيعها بعد ارتفاع سعرها..
والتجار هذيل ما كانو يخافون ربهم وقاعدين يشترون ويجمعون في المخازن وبكميات كبيرة جداً
وما يعرضون في السوق الا القليل وينتظرون الفترة اللي بعدها لما يرتفع السعر ..وهكذا..
سبحان الله يمهل ولا يهمل …!!
معذرة لدخولي بموضوه شبيه لموضوعنا هذا بس له علاقة وثيقة جدا و نفس الفكرة في العقارات وان شاء الله يوصل الدرس لجميع الأعضاء و الزوار … … و الحاضر يبلغ الغايب
شركات مواد البناء حليا دخلت ركود أكبر من ركود العقار و التسريحات طالت فجأة بشكر غير متوقع
و صار فيهم مثس سوق العقار و السبب
من سنة و نص تقريا كان طن حديد التسليح ب 1700 درهم … … و بدأت ثورة الأسعار لين وصل الطن 6200 درهم … … و الله الموردين ما كانوا ملحقين على الطلبات و التجار تجيب من الخارج من تركيا و الصين و أوكرانيا … لدرجة ان التاجر أو المورد كان سعر التكلفة عليه 4700 درهم للطن و الكل يخزن و يخزن و تسهيلات بنكية بمئات الملايين و فجأة يبدأ الانخفاض و الانخاض اللي وراه . لحد ما وصل سعر الطن 1800 درهم . الحين صاروا التجار بين كفي الرحى . و خاصة اللي كان مسوي تسهيلات بنكية لأنه بيعه حتى بالخسارة ( مع انه خسارته كانت كبيرة جدا جدا جدا) ما يتغطي نص قيمة التسهيلات و بدون فوائد . . . فتخيلوا المصيبة اللي طاح فيها … لأنه كل دخله المستقبلي ما بيغطة القيمة السلبية اللي دخلها مع البنك . . . بس الحين بدأ الخوف من ارتفاع سعر الحديد يرجع مرة ثاتية لآنه خلال شهر طلع 1000 درهم الطن لفوق.
و الله الدنيا ما عليها آمان و ما فيها ضمان
و الضامن هو رب العالمين فقط
تمنياتي للجميع بالتوفيق ان شاء الله
اذا الاسعار رجعت سلملي على العقار الغلط يولد غلط والصح يولد صح نتلاقى بعد نصف قرن من الزمن
صراحة الموضوع مشوق و كبير و لازم له دراسة مبينة على مقومات واضحة و عملية
أذكر من سنة تقريبا . أول ما بدأت أ راضي الجميرا فلج … … وصلت مراحل المضاربات و المبالغات لحد لا يصدق لييييييين احترق سوق الجميرا فيلج .
بعدها انتشرت سوالف البزنس باي . . . . . . و صار فيها مثل الجميرا فلج
بعدها جاكم الووتر فرونت . . . . . و النتيجة كانت أسوأ من الجميرا و البزنس باي
و آخرها حاليا كانت جزر النخلة . . . .
و الله يستر على المسكينة القادمة.
الواقع كمثال … … جزر النخلة . سعر الطرح حوالي 2.5 مليون درهم. . . . كيف توصل20 مليون !!!
و خلال أقل من 3 سنوات !؟ هذا شغل ناس تخاف ربها . و الناس تسأل و زعلانة ليش الأجارات كانت تطلع.
عموما عملية التصحيح السعري بدأت . بس بطريقة كانت غير متوقعه أو محسوبة
التصحيح جانا بطريقة موجعة جدا جدا
و مسألة حرق أسعار العقارات بالسوق . . . هذه قصة ثانية ان شاء الله لها موضوع مستقل قريبا
بنايات الدسكفري كانت ال يو تايب حوالي 65 أو 70 مليون . الحين صارت بين 40 – 45 مليون
و الباقي بالسوق 3 أو 4 بنايات فقط و 10 آلاف بروكر عليهم . و كل واحد يحلف انها حصريا عنده
و لازال بعض البنايات نفس النوع تنباع ب 55 مليون
الحين. الآرب بنايات الرخيصة لنفرض انهم انباعوا … شو بيصير بعدين
تقدر تقنع مالك البناية اللي ب 55 انه سعر السوق 40 مليون على أساس اللي اضطروا يبيعوا بسعر محروق هم الصح. و خاصة اذا هو كان مشتريها ب 45 مليون !!!
أو تقنعه ان زمن الريميوم ما عاد له وجود !!! انت نفسك اللي كنت تقنعه ان البناية بتجيب له ربح ممتاز !
الناس متناقضة … … وأغلبهم يدورون على عرس يغنوا فيه !؟
الرزق من الله … … مع العلم ان فيه بيع حاليا لقناصي الفرص. اللي بصيدون بلمح البصر .
ولا من شاف ولا من دري عنهم.
أمور والله اذا بتدخل بتفاصيلها لازم يكون جنبك (علبة بنادول اكسترا) أقوى نوووع
مطلوب احترافية العمل بأصول مهنة الوساطة . . . دون حرق أسعار بدون داعي أو الضرب تحت الحزام
الله يوفق الجميع و يخفف من أوجاع كثير من الناس اللي تأثرت في كثير من النواحي
يا رب لطفك . . . فأنا العبد الفقير إليك . . . و أنا العبدالغني بك
و دمتم سالمين
أخوكم : محمد