بسم الله الرحمن الرحيم
اكيد خلال هالفترة كلكم ملاحظين هبوط الاسعار في كل شي خصوصا الاسهم
اما العقارات فبدأت بالهبوط القوي منذ عدة ايام حتى وصل سعر القدم في مرسى دبي الى 900 و 850 درهم طبعا لبعض العقارات الابراج و تغير جميع الاسعار الى الادنى
فلل النخلة اللي كانت تنباع قبل 3 شهور ب 19 مليون الحين زين لو تيب 8 او 9 مليون وبعضهم يبيع على 7 و6 مليون
و ايجاراتها قبل كانت 500 و فما فوق الحين كلها 450 وما تحت
والدسكفيري جاردن يحيلها كانت الغرفة وصالة ب 1.2 تقريبا الحين محد ياخذ ب 800 الف
والله يستر من القادم
على ما اظن في رايي انا انه اللي عنده عقار و ماعليه اقساط لا يبيع
الله المستعان واعطونا ردودكم على وضع السوق عند الجميع
السلام عليكم
ان غدا لناظره قريب
على ما قال الاخ بعدكم ما شفتو شي
في بنك بتفلس
و رؤس بطيح
و تفنيشات بلمات
و اسعار العقار بيبدا في النزول الحقيقي من صيف الياي
و عقارات دبي بتنزل 80% من ما كانت عية اقل شي
و امارات مثل الشارقة و عجمان يمكن ينزل اكثر
الله يعين
يا جماعه اصلا سعر العقار ما ينزل
وكانت نزول اسعار العقار شي طبيعي
وذلك لان الاسعار كانت جنونيه وارتفعت ارتفاع كبير جدا
الان تحصل عمليه تصحيح لاسعار العقار وان شاء الله الاسعار بترد كما كانت سابقا
بالتوفيق للجميع
صدق يا جماعة الخير
شكله الموضوع كبيررر
وبيطول وايدددد على حسب ما نسمع
والاسعار بتنزل اكثر واكثر شو رايكم ؟؟؟
اعتقد ان اسعار العقارات لابد وان تعود الى قيمتها الحقيقيه وليست اسعار المضاربات
وفى هذه الحاله ستستقر الاوضاع ويعود السوق الى نشاطه على اسس حقيقيه وواقعيه
ابو ايمن
بعدك ما شفت شي عيل…….
الي ياي اشد….
هذي نتيجة الاسعار الجنونيه لاسعار العقارات