بسم الله الرحمن الرحيم
السلام عليكم ورحمه الله وبركاته
ياجماعة الخير اريد اخبركم باحد المواقف الي صارات لي واتمنى انها ماتصير مع حد غيري وربي عيب
من خلال اتصالي بشخص بدون ذكر اسمه كان عارض سيارته للبيع كلمت الرجال عشان السيارة اريدها
لصديق لي اتفقنا على السعر وعلى كل الامور
المكان : الامارات
الموقع : ابوظبي
الاتفاق يوم الخميس عشان المعاينه وصلنا وللامانه مانعرف الطرق والاماكن في ابوظبي لانه ثاني مره
ازورها اتصلت فيه اول ماطلعنا من مسقط وقال لنا اننتظركم اتصلنا به بعد ماوصلنا ابوظبي من رقم
الامارات ما يرد ابد قلنا احتمال مشغول مايعرف الرقم طرشنا مسج نفس السالفة ردينا نتصل من رقم
عمان نفس الشي “”” يوم كامل نتصل محد رد الدنيا صارت ليل كملنا يومنا في ابوظبي الرائعه وتمشينا
فيها يامحلى المولات والشواطئ والناس الطيبين .
مع بصيص امل انه يرد علينا في اليوم الثاني نفس الموال مايرد الحبيب رجعنا الظهر بعد وصولنا العين
طرش مسج ” السموحة منكم السيارة بعتها وكنت مشغول “
بصراحه مارديت عليه لو اي شخص مكان شو تكون رده فعله
الله يسامحه اتمنى انه الشخص يكون عند كلمته وكلمته تهز جبال المثل يقول ” الناس تترابط بكلام مب
حبال ” هذه السالفة من زمان شويه كتمها في داخلي.
لانه الموقف الثاني الي صار من كم اسبوع خلاني اتكلم عنها ، في فتره من الفترات عارض استيشنات
لكزس كميه وراحت والحمد لله اتصل بي شخص من الاردن بدون ماذكر اسمه ورقمه وقبيلته قال انا ادرس
في الاردن واريد لكزس ؟؟ قلت له الكميه المعروضة بهذاك السعر راحت الوكالة رفعت الاسعار والحين
اغلى بحوالي 15 الف درهم والله يشهد اني مازودت عليك ولا درهم نفس سعر الوكالة واتاكد من
الاوراق قال مو مشكلة اريدها ان شاء الله اول ماوصل الامارات بتصل بك اوكون عندك خلال يومين
اتصل بك واستلم السيارة رديت توصل بالسلامه ياخوي .
رحت دفعت للوكالة وحق كل الامور … انتظر اتصال محد اتصل ابد اتصلت به جواله مغلق بمعناه الرجال
وصل من الاردن والحمد لله .
والله لليوم هذا ما تصل ولا طرش مسج … طرشت له مسج واستلمه بعد اسبوع لمى رجع الادرن
مابقول غير الله يوفق الجميع ويغفر لهم ويسامحهم ، الي اتمناه تكون المصداقية ووضوح التعامل احنا
اخوه واهل واكثر من هذا
واتمنى للجميع التوفيق واسف جداً جداً على الاطاله .
الله يعين ويوفق الجميع يارب
تسلم الغالي على ردك ومرورك الجميل
تسلم اخوي طواش والله يعطيك الصحة والعافية
ياخوي وربي مايحتاج تتاسف انت مالك ذنب
قصدي انه انه نتحذر
تسلم اخوي وماقصرت والله يوفقك في كل خطوه
الله يعينك اخوي ..الواحد قام مايثق في الغير
الله يعينك اخوي ..
والناس هييل بصراحه مب رياييل وماعندهم دم
واتمنى انك تتحذر
هذا مب ريال ليش يواعد ويخلف !!!!!!!!!!!!!؟؟؟؟؟؟؟؟؟؟
معليه قطع راس يقول السيارة بعتها من أول ولا يخليني أضرب خط !!!!! على كل حال حق على روؤسنا من فوق أخوي وهذا حشا ماعنده معاني ولاقيم