السلام عليكم ورحمة الله وبركاته
شحالكم كلن بحاله
في هذا الموضوع بيكون مفتوح من بعد التداول لين وقت التداول مره ثانية
فكرة هذا الموضوع هو مناقشة ما صار في التداول والاستفسارات الي انتوا تبغونها
يعني بيكون شرات الميلس لنا نتناقش بكل شي نباه يخص الاسهم وخاصه في الي صار في صفحة التداول
وان شاء الله بيكون موضوع مفيد لنا يميع وبنشوف المحللين يدخلون اي وقت ويردون على استفساراتنا
فاتمنى فكرة الموضوع بشكل عام تعيبكم وبشكل خاص تفيدكم المناقشات
وكل عام وانتوا بخير وسهاله بمناسبة قروب شهر الخير والرحمه
والسموحه منكم
ويا الله نبدأ من الحين لحد يوم السبت فليل وقت ما يفتح موضوع التداول
والسلام ختام
اختكم
بنت الأمارات
ان شاء الله رمضان ها السنه بيكون غير
وخير علينا يميع سواء في الاسهم او الحياة العلمية او العملية
مبروك عليكم الارتفاعات والحين اترخص منكم باخذ دواي وبوطي راسي طالين مني ارتاح بس تعرفون اني ما اصبر لازم اشارك اخواني وخواتي في موضوع التداول على الاقل
يا الله اشوفكم خلاف على خير
رمضان كريم
كل عام وأنتم بألف خير
أنشاء الله يكون غير ونشوف الأخضر من الأحد ألين مانوصل الى 4000 نقطة اللي حددها محللنا المتميز رد الجميل
بوغلا
تعودنا كل سنه في رمضان هبوط للأسهم
اعتقد احسن الواحد يسكر الشاشه في رمضان ويعتبرها اجازه للعباده
ننسى السوق ونرجع له بعد رمضان
مع الســـــــــــــــلامه نشوفكم بعد العيد
كل عام وانتم بخير بمناسبة حلول شهر رمضان الكريم
ونرجو الله ان يبدأ التداول على الاسهم بارتفاع ويكون هذا الشهر مخالفا لشهر رمضان من السنة الماضية .
تداولات نهاية جلسة اليوم توحي بذلك بس الله يستر من السوق الامريكي ما ينهز في هاليومين وينهز بدنا من الهوامير اللي رابطينا معاه!!!
كل عام و انتم بخير
و مبروك عليكم الارتفاع