السلام عليكم ورحمة الله وبركاته
اخواني كيف الحال ؟ عساكم طيبين؟ .. مبروك عليكم امطار الخير .ربي يديم علينا هالنعمه
انا سرت لوكاله AGMC في الشارجه علي اساس احجز الاكس سكس 2010 ..
وشفت ال x6 في صالة العرض عندهم .. بس الغريب انه نظام ال iDrive (الماوس مال الشاشه) مب اليديد ؟..الجديم !!
مع انه المعروف انه جميع موديلات 2010 لل x6 تنزل مع new iDrive system !! شرات اللي في الحوت اليديد !!
المشكله يوم اسأل الموظف عن موديل ال x6 اللي موجود في صالة العرض .. يقول لي انهم موديل 2010 !!
شو رايكم بخصوص هالموضوع اخواني ؟؟ اتمنى اي واحد فاهم في الاكس سكس اليديد يخبرني ظروري لاني مابي اشتري الموتر وبعدها بشهر يتغير النظام كامل !!
شوفو الفرق بين ال iDrive القديم وال iDrive اليديد !!
القديم (لاحظ القرص اللي ع يمين القير)
– – – – – –
ومشكورين يا الابطال
نفس النصيحة ..
نصيحة مني انك تاخذ 8 سلندر ……………………..
السته سلندر 3.0 والثمانيه 4.4
كم سعر السته سلندر يالابطال ؟
تسلم اخوي شينيقامي عالمعلومه
مشكورين اخواني كلكم عالردود
انا حجزت الموتر ..فقط .وقالو بيوصل بعد عشر ايام …
وبنشوف ..اللي بيوصل مع الاي درايف اليديد ولا لا … اذا بدون الاي درايف اليديد ..بغير الحجز وبتريا الدفعه الثانيه.. انا مب مستعيل !!
ولا شو رايكم يالربع