مواقف يوميه … تعالو وشاركونا

140 thoughts on “مواقف يوميه … تعالو وشاركونا”

1. اليوم استوالي موقف في الفستفال سيتي

   وما كنت اعرف في مكان الدفع بفلوس

   لان مكتوب خدمة صف السيارات

   وقفني وقالي نوقف قلت له لا بروحي بوقف (ما اظمن سواقة المهنده) وبعد ما وقفت وتحوطت بالمركز

   ويوم رجعت اشوفه يا عند سيارتي قلت يمكن مب ياي عندي وتجدمت
   قالت لي الحرمة يسجل رقم سيارتك

   ووقفت
   قلت له شو؟!
   قالي 17 درهم مال باركنق

   قلت له وشدراني انه بفلوس

   وللحين انا احس انه مب بفلوس
   لان ماشي لوحات ولا اي شي يدل انه بفلوس

2. اتصلت على البنغالي
   وهزبته وهو يقولي ارباب هزا رقم مال دكتور انا في جديد ما دري شو قلتلهيلا كنسل هالرقم لا تعطيه حق حد

   ههههههههه

   لو أنا مكانك،
   والله لـ أغوز عليه في المستشفى و أخلي اللي ما يشتري يتفرج.
   __________________

3. انا استوالى موقف والسبة واحد بنغالى يشتغل في عيادة زاخر
   الحبيب كل ما ياه مريض ويتخبره عن الدكتور عصمان وهو سوداني قام وعطاه رقمي
   5 شيبان وحرمة عيوز من امس الصبح والعصر واليوم وهم يدقون علي
   دكتور عثمان كيف حالك ؟
   انا : انا مب دكتور عثمان الرقم غلط
   واحد ثاني
   دكتور عثمان السلام عليك
   انا: والله اني مب دكتور عثمان!!
   واحد ثالث
   دكتور عثمان كيف حالك بغينا …..
   انا عاد انا طلعت من طوري)انت تعال منو عطاك الرقم ??
   واحد في الاستقبال
   اي مستشفي؟
   عيادة زاخر قلتله اوكي مشكور مع السلامة
   اتصلت على البنغالي
   وهزبته وهو يقولي ارباب هزا رقم مال دكتور انا في جديد ما دري شو قلتلهيلا كنسل هالرقم لا تعطيه حق حد

4. ههههههههههههه
   ياخي إنته تحسسني باني مضطهدنكم.

   يالله، بقولكم السالفه.

   السالفه صارت من 7 سنين تقريبا.
   واحد من الربع اللي أعرفهم، طبعه هادي شويه و من النوع اللي “يغرق فـ شبر ميّه” مثل ما يقولون.

   يقولي إنه في يوم من الأيام (في فترة العصر أعتقد) كان ماشي في دربه و جابلته إشاره حمرا، فـ وقف. وقفت حذاله سياره متروسه بنات (يقول إنهن مواطنات، للأسف). نزّلن الجامات و وحده منهن قالت له إحنا ضايعات فـ بوظبي، و بغيناك تدلينا المكان الفلاني. الريال توه بيشرح، إستوت الإشاره خضرا، قالهم صفّوا على كتف الطريق. << لين هنه، هو حبيبي، و يالس يطبق نظريه الجاذبيه بحذافيرها.

   يوم وقف على كتف الطريج، نزلت وحده و سارت له، هو إستحى و نزل بعد. المهم ،،، الحبيب يالس يشرح و يشرح، جان يدور هالحوار بينهم (طبعا أنا أقول اللي أذكره)،

   تقوله: بقولك شي، بس مستحيه.
   قال: قولي مب مشكله
   قالت: أنا بصراحه مب مضيعه، بس إحنا يايين بوظبي و ناسين بيزاتنا.
   قال: إنزين، و بعدين ؟
   قالت: بغيناك ترأف بحالنا و تستر علينا (مادري شو قصدها بصراحه ). بغينا كم بيزه تعينّا.

   طبعا الريال قلبه رهيّف، مب شراتي، لأني كنت بجحتها لو طلبت مني بيزات. بصراحه المفروض تلومون الوالد، هو اللي علمني على المنطق الدفاشيتي.
   المهم،،،

   قال: والله ما عندي شي ، شوفي بوكي (يعني محفظتي). و راواها إنه ماعنده شي.
   قالت: مب مشكله، إسحب من البنك. و أوعدك إني برد البيزات لك عقب. (و طبعا خذت رقمه).

   اللي غاضني، إنه قالها أوكي و سار البنك على أساس يسحب و يعطيها 100. و لحقته بموترها و نزلتله عند المكينه و خذت عنه 500 !!!!

   يكمّل قصته و يقولي،
   إتصلن فالليل و قالن له إنهن في المقهى الفلاني و يبونه إيي عندهن. هو إعتذر منهن و قالهن إنه تعبان و ما يقدر ايي.

   قلت فـ نفسي، زين يوم ما سرت، قسما بالله جان دفّعوك جيمة المشاريب كلها، ربيعي و أعرفك.

   طبعا و من يومها لا إتصلن فيه و لا إتصل فيهن و البيزات بياخذهن يوم القيامه إن شاء الله.

   و هذي السالفه يا مرحومين الوالدين.

   همسه،
   لا تعتقدون إني راعي هالسوالف. أنا مجرد أمزح وقت التعليق على الأحداث.

   قهرتني حركتهن .. صدق قليلات أدب
   __________________

5. للأسف ربيعك ماعرف يتصرف

   وصبح صبح يا عم الحج

   إنته لو مكانه شو بتسوّي و كيف بتتصرّف؟

   __________________

Comments are closed.