مواقف يوميه … تعالو وشاركونا

140 thoughts on “مواقف يوميه … تعالو وشاركونا”

1. ههههههههههههه
   ياخي إنته تحسسني باني مضطهدنكم.

   يالله، بقولكم السالفه.

   السالفه صارت من 7 سنين تقريبا.
   واحد من الربع اللي أعرفهم، طبعه هادي شويه و من النوع اللي “يغرق فـ شبر ميّه” مثل ما يقولون.

   يقولي إنه في يوم من الأيام (في فترة العصر أعتقد) كان ماشي في دربه و جابلته إشاره حمرا، فـ وقف. وقفت حذاله سياره متروسه بنات (يقول إنهن مواطنات، للأسف). نزّلن الجامات و وحده منهن قالت له إحنا ضايعات فـ بوظبي، و بغيناك تدلينا المكان الفلاني. الريال توه بيشرح، إستوت الإشاره خضرا، قالهم صفّوا على كتف الطريق. << لين هنه، هو حبيبي، و يالس يطبق نظريه الجاذبيه بحذافيرها.

   يوم وقف على كتف الطريج، نزلت وحده و سارت له، هو إستحى و نزل بعد. المهم ،،، الحبيب يالس يشرح و يشرح، جان يدور هالحوار بينهم (طبعا أنا أقول اللي أذكره)،

   تقوله: بقولك شي، بس مستحيه.
   قال: قولي مب مشكله
   قالت: أنا بصراحه مب مضيعه، بس إحنا يايين بوظبي و ناسين بيزاتنا.
   قال: إنزين، و بعدين ؟
   قالت: بغيناك ترأف بحالنا و تستر علينا (مادري شو قصدها بصراحه ). بغينا كم بيزه تعينّا.

   طبعا الريال قلبه رهيّف، مب شراتي، لأني كنت بجحتها لو طلبت مني بيزات. بصراحه المفروض تلومون الوالد، هو اللي علمني على المنطق الدفاشيتي.
   المهم،،،

   قال: والله ما عندي شي ، شوفي بوكي (يعني محفظتي). و راواها إنه ماعنده شي.
   قالت: مب مشكله، إسحب من البنك. و أوعدك إني برد البيزات لك عقب. (و طبعا خذت رقمه).

   اللي غاضني، إنه قالها أوكي و سار البنك على أساس يسحب و يعطيها 100. و لحقته بموترها و نزلتله عند المكينه و خذت عنه 500 !!!!

   يكمّل قصته و يقولي،
   إتصلن فالليل و قالن له إنهن في المقهى الفلاني و يبونه إيي عندهن. هو إعتذر منهن و قالهن إنه تعبان و ما يقدر ايي.

   قلت فـ نفسي، زين يوم ما سرت، قسما بالله جان دفّعوك جيمة المشاريب كلها، ربيعي و أعرفك.

   طبعا و من يومها لا إتصلن فيه و لا إتصل فيهن و البيزات بياخذهن يوم القيامه إن شاء الله.

   و هذي السالفه يا مرحومين الوالدين.

   همسه،
   لا تعتقدون إني راعي هالسوالف. أنا مجرد أمزح وقت التعليق على الأحداث.

   للأسف ربيعك ماعرف يتصرف

   وصبح صبح يا عم الحج
   __________________

2. تقول ربيعك يقول انهم مواطنات الحينه بتطلع لكم ظبيانية وبس لوووووول
   ماشاء الله البنت قوية قدرت تطلب !! وآخر شي راحت تصرفهم فالكوفي !!
   ياليتها قالتله سامحني لو ماقدرت اردهم عسب مايتم فذمتها !!

   صدقها ظبيانية وبس
   هاذيل مب مواطناااااااااااااات أكيد من الجاليات العربية
   مواطنة بستحي تشحت واتوقف السيياير في الشوراع واتقول عطونا بيزات
   والا منو هاي اللي أهلها بيطرشونها نص الليل المقهى

3. خاطري اكتب موقف بس ما اتصيرلي مواقف هالأيام خخخخخخ

   البركه فيكم

4. خلاص الحين عرف اسمج المستعار من الحوار اللي دار بينكم

   ^_^

   لا ما ظن

   إلى الآن لم يدخل هذا الموضوع

   هو تعجبه الأركان التجارية

   ونادر ما يدخل العام

   دخلت على ملفه ما شاء الله مسجل قبلي

   
   __________________

5. ههههههههههههه
   ياخي إنته تحسسني باني مضطهدنكم.

   يالله، بقولكم السالفه.

   السالفه صارت من 7 سنين تقريبا.
   واحد من الربع اللي أعرفهم، طبعه هادي شويه و من النوع اللي “يغرق فـ شبر ميّه” مثل ما يقولون.

   يقولي إنه في يوم من الأيام (في فترة العصر أعتقد) كان ماشي في دربه و جابلته إشاره حمرا، فـ وقف. وقفت حذاله سياره متروسه بنات (يقول إنهن مواطنات، للأسف). نزّلن الجامات و وحده منهن قالت له إحنا ضايعات فـ بوظبي، و بغيناك تدلينا المكان الفلاني. الريال توه بيشرح، إستوت الإشاره خضرا، قالهم صفّوا على كتف الطريق. << لين هنه، هو حبيبي، و يالس يطبق نظريه الجاذبيه بحذافيرها.

   يوم وقف على كتف الطريج، نزلت وحده و سارت له، هو إستحى و نزل بعد. المهم ،،، الحبيب يالس يشرح و يشرح، جان يدور هالحوار بينهم (طبعا أنا أقول اللي أذكره)،

   تقوله: بقولك شي، بس مستحيه.
   قال: قولي مب مشكله
   قالت: أنا بصراحه مب مضيعه، بس إحنا يايين بوظبي و ناسين بيزاتنا.
   قال: إنزين، و بعدين ؟
   قالت: بغيناك ترأف بحالنا و تستر علينا (مادري شو قصدها بصراحه ). بغينا كم بيزه تعينّا.

   طبعا الريال قلبه رهيّف، مب شراتي، لأني كنت بجحتها لو طلبت مني بيزات. بصراحه المفروض تلومون الوالد، هو اللي علمني على المنطق الدفاشيتي.
   المهم،،،

   قال: والله ما عندي شي ، شوفي بوكي (يعني محفظتي). و راواها إنه ماعنده شي.
   قالت: مب مشكله، إسحب من البنك. و أوعدك إني برد البيزات لك عقب. (و طبعا خذت رقمه).

   اللي غاضني، إنه قالها أوكي و سار البنك على أساس يسحب و يعطيها 100. و لحقته بموترها و نزلتله عند المكينه و خذت عنه 500 !!!!

   يكمّل قصته و يقولي،
   إتصلن فالليل و قالن له إنهن في المقهى الفلاني و يبونه إيي عندهن. هو إعتذر منهن و قالهن إنه تعبان و ما يقدر ايي.

   قلت فـ نفسي، زين يوم ما سرت، قسما بالله جان دفّعوك جيمة المشاريب كلها، ربيعي و أعرفك.

   طبعا و من يومها لا إتصلن فيه و لا إتصل فيهن و البيزات بياخذهن يوم القيامه إن شاء الله.

   و هذي السالفه يا مرحومين الوالدين.

   همسه،
   لا تعتقدون إني راعي هالسوالف. أنا مجرد أمزح وقت التعليق على الأحداث.

   بصراحة ما يستحن..وهذيله يايين يطلبن بيزات وبس..
   ولا السيارة متروسه بنات وكلهن ماعندهن بيزات..
   نوع يديد من الشحاذه وقلة أدب..

   ونتريا سالفة يديدة من سوالف

   __________________

Comments are closed.