السلام عليكم ورحمة الله وبركاته
البارحة كنت في بوظبي وحسيت ان المكيف تبريده تعبان فرحت مصفح ومدحوا لي ورشة البحرين ولما رحت حصلت المدير (الارباب) ايراني قلت له عن المكيف الرجال قام وجاب لي اللي عنده في المحل كلهم وشافوا المكيف وقال يبغاله فحص بالكمبيوتر وتكلفة الفحص (150)درهم قلنا مافي مشكلة بس اهم شي تبين المشكلة فحص تقريبا ربع ساعة وبعدها قال عطني (150) على الفحص سألته شو السبب اللي لقيته قال لازم تغيير غطاء صغير يركب على بيب المكيف اللي يجي قريب من المكينة ودوم لما تلمسه يجيك بارد.
قال هذا الغطا فيه(سيل)لازم تبدله لانه (السيل) مب موجود.
قلت تعال معاي للوكاله وبنشتريه وبتبدله قال لا عطني (150) وروح انت اشتر وتعال على العموم انا قلت له انا مب دافع ال(150) الا لما اشوف كلامك صح ولا.
المهم الرجال زعل وانا رحت الوكاله وسألت عن القطعة قالوا ان هذا الشخص كذاب لان القطعه مايجي معاها (سيل) .
ممكن تقولون لي موقفي سليم ولا كان لازم ادفع له؟اوجوا التفاعل لاني اشوف الرجال نصاب ولا شورايكم؟
انا بغيت احذر الشباب من النصاب هذا .
RDEEM
قبل كان عندنا موتر كل مانعبيه غاز يتسرب …. فحصنا الموتر كل مكان …….. وصلنا نفس المكان الغطاء إلي يتعبى من مكانه الغاز كان يسرب … الهندي ركب لنا غطى يديد وقال مابغي منكم شي غير فلوس الغااااااز 70 درهم
والحمدالله من بعدها والسيارة بخيييييير
من حقك انة ماتدفع اذ ماشفت نتيجة
بس اذا ركبت السيل وشفت المكيف يبرد
ال 150 من حقة وهية في ذمتك لانة كلامة طلع صحيح
كلامك سليم
في هذي الحالات عطه 30 درهم وقوله سلام
__________________
اسم على مسمى
طيب الساس ^^
حرامي و ما يتساهل فلس ما عليك منه..
المهم شوف يا طويل العمر، في محل السيكي في مصفح بس نسيت مكانه وين بالضبط ( اعتقد ثاني دوار ترجع يوتيرن لين اخر دخلة على اليمين و يكون على الزاوية على يمينك او يمكن ثالث دوار و الله ماذكر)، هذا السيكي يا طويل العمر انا اشوفه احسن واحد في المكيفات و عن تجربة.. عندي نيسان مخلنه للبحر قبل 3 سنين يمكن و لا حد قدر يضبط المكيف.. وديتله السيارة و خليتها عنده يوم كامل و رد مكيفها بارد و اشتغاله احسن عن الوكالة.