السلام عليكم ورحمة الله وبركاته
البارحة كنت في بوظبي وحسيت ان المكيف تبريده تعبان فرحت مصفح ومدحوا لي ورشة البحرين ولما رحت حصلت المدير (الارباب) ايراني قلت له عن المكيف الرجال قام وجاب لي اللي عنده في المحل كلهم وشافوا المكيف وقال يبغاله فحص بالكمبيوتر وتكلفة الفحص (150)درهم قلنا مافي مشكلة بس اهم شي تبين المشكلة فحص تقريبا ربع ساعة وبعدها قال عطني (150) على الفحص سألته شو السبب اللي لقيته قال لازم تغيير غطاء صغير يركب على بيب المكيف اللي يجي قريب من المكينة ودوم لما تلمسه يجيك بارد.
قال هذا الغطا فيه(سيل)لازم تبدله لانه (السيل) مب موجود.
قلت تعال معاي للوكاله وبنشتريه وبتبدله قال لا عطني (150) وروح انت اشتر وتعال على العموم انا قلت له انا مب دافع ال(150) الا لما اشوف كلامك صح ولا.
المهم الرجال زعل وانا رحت الوكاله وسألت عن القطعة قالوا ان هذا الشخص كذاب لان القطعه مايجي معاها (سيل) .
ممكن تقولون لي موقفي سليم ولا كان لازم ادفع له؟اوجوا التفاعل لاني اشوف الرجال نصاب ولا شورايكم؟
انا بغيت احذر الشباب من النصاب هذا .
RDEEM
آخوي المشكلهـ آننا لما تخترب السيارهـ نسير محل وآحد بس .. والي يقولهـ ورآآآهـ نحن مثل العميـآن ..
آنـآ من عـآدتي لو اخترب الموتر الف فيهـ آكثر من جرآج .. وآشوف شو الي يقولونهـ آكثر شي وآسير آصلحهـ ..
آمـآ لو على محل وآحد تسال .. بتروح لقمهـ سهلهـ حقهمـ .. ” هنود مصفح خبز آيدي ” ..
.
آنـآ مرهـ اخترب عندي السنتر لوكـ .. قالوآ لي تصليحهـ .. بيكلف والقطعهـ بروحهـآ قيمتهـآ 750 درهمـ ولآ بعد لآزم طلب ..
المهم اخوكـ يعرف لمصفح وسرت آخذت الموتر وصلحت السنتر لوكـ بــ 150 درهمـ .. والحين شغـآل 500 % ..
.
.
وآمـآ موضوع السيل آخوي .. هذي قطعهـ تلف ع البيب بعد مايكبر البيب ومايمسك صح عشـآن لآ يسرب غـآز .. تشد البيب عند الوصلاتـــ .. ويمكن يكون كلامهـ صح .. الوكالهـ ماتتعامل بالسيل وهالسوالف آكيد بيقولون لك لآ مافي .. بس الحقيقهـ شي .. لآنه الوكاله بيقولون لك بدل بيب يديد .. مافي دآعي تصلح البيب …
وشوف دآمكـ وآفقت .. آعتقد آنها من حقهـ حتى لو نـآصب عليكـ .. ” خليكـ مظلوم ولا تكون ظـآلمـ “.. ” آعطي الاجير آجرهـ قبل آن يجف عرقهـ ” ..
وفكـ عمركـ .. 150 تبعدكـ عن الحرآم و الشكـ “..
واصلا من متى المكيف ينفحص بالكمبيوتر
هالناس اسمحلي اقولك ولاخواني الاعضاء
انهم نصابين يوم يقولك الفحص بالكمبيوتر
مب كل شي يظهره الكمبيوتر
ولاتعطيه فلس حمر بعد
150 للفحص ولا التصليح ؟
اذا للفحص من حقه ال 150 لانه قالك ثمن الفحص وانت وافقت بس اللي اعرفه ان الكمبيوتر يفحص فيه الكهربا اللي فالسيارة والكمبيوتر شكل صندوق اسود تطلع منه ورقة توصفلك الخرابات فالسيارة اللي ماتشتغل كهربائيا وليس ميكانيكيا والمكيف لازم يفرغ الغاز ويعبيه هوا علشان يفحص الليك من وين طالع اذا ماكان يعرف من وين الليك بس انا اشوف معظمهم حرامية ونصابين وخاصة اللي يلف ويدور ويقلك فحص كمبيوتر بذمته كيف يعرف الغطا خربانة عن طريق الكمبيوتر ؟ هذا احمق
القطعه مافيها سيل الريال يبغى (150) الرجال كذاب
لاني رحت الوكالة قالت القطعه مافيها سيل.
شكرا على مرورك
من حقك انة ماتدفع اذ ماشفت نتيجة
بس اذا ركبت السيل وشفت المكيف يبرد
ال 150 من حقة وهية في ذمتك لانة كلامة طلع صحيح
كان عندي نيسان كبسولة فية نفظة عجيبة غريبة قوية لدرجة اني ماروم ايود السكان بيدي
كل ماودية ميزان اخبرة اقول لة السالفة واخبرة من البداية اذا ظبطت الميزانية بعطيك فلوس واذا ماضبطت مابعطيك شي
الكل كان يقول لي هذا من حققك
لفيت اكثر من 8 محلات في بوظبي والشارجة ولاحد عرف
الا ميزان الفرج وفرج بروحة شاف وعرف المشكلة
قال الي اذا صلحت المشكلة ابا 100 درهم انا فخاطري اقول بعطيك 500 بس فكنا من هالمشكلة
صلح المشكلة وخذ حقة الريال
انت دافع فلوس لقاء خدمة اذا هذة الخدمة ماتمت مالة حق في الفلوس
قرقرنا وايد سامحونا