السلام عليكم,
بالامس, كان وقت اذان المغرب, والكل طالع ساير المسيد الا واحد. لابس شورت, ويمشي في نفس المسار ( لان صالة التدريب والمسيد في نفس الطريق) والحبيب ساير يسوي رياضه.
ما اعرف كيف اشرح الموقف. هل هناك اقبح من هذا العمل؟
ما خاف من ربه يوم ينادى للصلاه. يعني لا هو مريض ولا به عله غير علة القلب وتشهد الناس عليه بعدم الصلاه.
هذا موقف.
الثاني,
كان وقت صلاة العشاء, واثنين سايرين يتعشون, والناس تسرع تبا تلحق على الركعه لاولى. والحبايب يتمخطرون سايرين ياكلون.
الثالث:
قاموا لصلاة العشاء, والاخ يالس في الحلاق يتريا الحلاق يخلص من الي عنده عشان يتعدل.
.
.
.
هذيل كلهم سمعوا الاذان وسمعوا الامام يصلي وهم مب خايفين من الله ولا مبالين لشهادة الناس عليهم.
انا كتبت الموقف وعليكم التعليق.
أدعيلهم يمكن ربك يستجيب لدعواتك ..
في ناس عندهم الصلاة مفروضة كعادة وليست عبادة .. وتلاقيه عادي يأخر صلاته المهم يخلص الشغله اللي بيده .. ناسيين ان الصلاة كانت كتابا موقوتا ..
بس لو كان شي قانون يوقف كل الأعمال أثناء الصلاة بيكون شي جميل وطيب ( مثل اقفال جميع المحلات ) .. ع الاقل تحث الناس على الصلاة حتى لو غصب عنهم ..
لكن شو بتقوووول اذا الإقامة منعوها ؟؟ كيف بتدعي الناس للصلاة ؟؟؟!!
الله يهدي الجميييع .. وعليك بالنصيحة أو الدعااء لهم
وقت الصلاة وقت مقدس المفروض نبني جدولنا عليه لان الله ميزنا عن غيرنا انا نعبده في اليوم خمس مرات بأوقات مختلفة ..
بخصوص التدريب في مرات كثيرة يأذن الأذان وانا اكون في الجم وفي عمق التمرين ولكن ولله الحمد القبلة معروفة في الجيم وغيرها والناس الملتزمين والاخيار كثار , تنفرش السجادات ونسمع صراخ الشباب ” يالله صلاة صلاة ” والحمد لله أشوف الكل يقطع تدريبه ويصلي مع الجماعة وهذا الشي المطلوب ..
صحيح في ناس اهملت صلاتها ولكن الأغلب ولله الحمد ملتزمين والصلاة عمود الدين ..
اطلب لهم الهدايه
الحين صارت الناس همها هم الدنيا لا هم الاخره