طبعا تعرفون شو هو الهامستر
نوع من انواع القوارض لكن يربونه في البيت كحيوان أليف
وهو يقولون عنه و الله اعلم انه خليط بين الارنب و الفأر
ويقولون بعد و الله اعلم انه نتاج من فيران تجارب
المهم انه ما يسبب امراض و كيوووووووووووووت وايد
والاهم منو فيكم عنده من هالحيوان ويبي زود او منو فيكم خاطره يربي منه؟!!
انا عندي هامستر واحد ذكر…. و عيال اختي عندهم اثنين بعد ذكوره
والمطلوب كالأتي:
طبعا اليوم اخوي ياب لي هدية قطوة صغنونه….وامي من شافتها شلت البيت فوووووووق تحت
وقالت شلي حيواناتج و طلعي برع وديهم اي مكان و اي جلعة ابليس وما تردين البيت الا و انتي متخلصه منهم..وان شفتج راده وياهم ما تدخلين البيت…
وبعد ترجي وزعل ودموع سحالي…اقصد دموع تماسيح…و مخاطتين وشهقتين…واستغلال عاطفي بحت…
رضت امي اني احتفظ بشي واحد
اما القطوة او الهامستر
وبعد تفكير عميق …وجهد جهيد…..وقرعات و حظ يا نصيب
قلت بحتفظ بالقطوة…..وبشوف صرفه مع الهامستر
وعيال اختي قالوا لي خالوه سوي في هامستراتنا خير و شوفي لهم صرفه بعد لانه مالنا خلق نحط لهم اكل و ماي و خرابيط…..ونجابلهم مساكين
فقلت مالي الا ربعنا في منتدى الامارات يمكن حد منهم يربي شراتهم و يبغي زود او خاطره يربي منهم
وماخذتنهم من محل بت زون..ومطعمينهم…كانوا اربعه بس نثايتي ماتت..مسكينه طاحت من فوق الثلاجة و ياها شلل…جنها لاعت جبدها من برودة و بلادة و جبانة الذكر و انتحرت..لوووول
وعندي قفصين واربع باكيتات نشارة خشب وبيت العابهم مادري جانه صاحي ولا مكسور
وكللل هذا ببلاش…توتالي فريييي…ما يهونون علي ابيعهم مع انهم كلفوني تقريبا الف وشي….
والي يباهم يخبرني و فاله طيب…
هامستري و واحد من هامسترات عيال اختي يتشابهون..والثالث لونه افتح و عيونه حمر ..وشيطان يعض..
هاي صور هامستري توتي…..خجول و خواف و يحب البسكووت الحلو واااااااااايد
هني اول لقاءه مع القطوة….طبعا طلع جليييل حيا ما سلم عليها طالعها قال لها نعم شوو!! خير منووو!!…دوري ربعج….و رد دش بيته….فشلنااا
وجاان ازخه و اشرشحه و اهزبه و اقول له هاي اخر تربيتي لك ما تحشم الضيوف ..خاصة نثاية دلوعه شراتها…صدق انك ريال ما تخيل ولا تستحي امف عليك…..الحيين تعتذر لها ….ولا ترى بطلع مصاريينك
خاف و قال لها انا اسف…بس هي تمت تتدلع عليه ما تبا ترضى
قام يضرب كف بكف و يقول لا حول ولا قوة الا بالله هاتي راسج ببوسه انا اسف
بضرابه و ترجي سامحته…وعقب قالت له يلا زين فكنا لا ترمس وايد واقلب ويهك وانجلع…رياييل ما توون الا بالعين الحمره ((( انا ما يخصني هاي القطوة قالت ))
المهم اللي يبااااااااااااااااااااااااااااهم يخبرني
ببلاش بلاش بلاش
لييلااام لييلااام
مرحبا اختي اذا الهمستر موجود انا مستعد ايي واخذهم
عيل امي تعشق الحيوانات بس باباتي يكرههم
و لا امي فديتها الود ودها تربي سبال عندنا ههههههع ..
انا ماحب الحيوانات بشتى أنوااااااااعهم اخاف منهم
ع فكرة فولك .. ماما زمان قبل ماتعرس بابوية خخخ كان عندها قطوة
ويدتي الي هي امها ماكانت تدانيها ويشلوونها بالسيارة يفرونها بعييييييد
و ترد عقب اسبوع
عقب طلوووووع الروح افتكوا منها ..
ماشاء الله كانت تندل الدرب كيف مادري ههههه
أما همتارو هذا أكرهه متعقدة منه بنات خالتي كانوا يخوفوني بالي عندهم
و كنت احسه فاااااااااااااااااار
ماااااحبببببببه ,,
إني وى .. يتربى فعز الي بتاخذه هههههع
ربي يحفظكم و السموحة ..
كان عندي هامسترين ذكر وأنثى
وماشاء الله بعد ثلاث شهور صارو ثلاثين
ونفس السالفة مع أختي كاتبة الموضوع
الأهل قالوا وقالوا
أنا ارتفع ضغطي وتبرعت بالهامسترات الثلاثين لصاحب المحل اللي اشتريته منه
ياي على بالي أربي قطة لكن المشكلة عندنا طيور وببغاءات وخايف القطة تاكلهم
ههههههههههه
بالتوفيق أختي
انا اللى كان عندي قطوة صغيرووووووووونه والله ربيتها من ايامها الاولى كانت امها توها يايبتنها
دلعتها وربيتها وشربتها وكبرتها ،، كبرت تعلقت فيني ،، كل خطوه امشيها تمشي ويايه ،، اي مكان اسير له تسير ويايه ،، حتى عند قوم عمي تسير واحطها عند قطاوتهم تيلس وياهم ،،
بس امي الله يهديها كانت دوم تهاوش ليين يا اليووووووووووم اللى شلتها وهي سايره السوق وفرتها هناااااااااااااااااااك مادري في السوق في البر ماعرف ،، تمييييييت شهوور ضايجه ،،
ذكرتوني فيها
أناااااااااااااااااااااااااااااااااااااااااااا
أبغييييييييييييييييييها