السلام عليكم ورحمة الله وبركاته
تقبل الله طاعتكم وعساكم من عواده وكل عام وانتم بخير
من منكم ذبح الاضحية بإيده في البيت اليوم ؟
وليش اللي ما يعرف يذبح إنه يتعلم بدل ما يجيك البيت بتاني ما يخصه بالذباحة تحصله خياط ما أدري ميكانيكي ويوم العيد يودر شغله ويذبح للناس ؟
ما ادري اليوم مستشفى راشد كم استقبل جرحى وقتلى من جراء الأخطاء اللي يرتكبونها القاصبين المتجولين خلال معاركهم الدامية مع الأضاحي ؟ 
أنا الصراحة صار لي اذبح من 8 او 9 سنين والشغله يبالها شوي تعليم ويغنيك عن الاتكالية والتعلق بالمقاصب والذباحين المتجولين هذا بالنسبة لأصحاب البيوت الشعبية أو الفلل أما بالنسبة لسكان الشقق فالله يكون بعونهم الشغله بالنسبة لهم صعبة جدا .
ذبح النبي صلى الله عليه وسلم بيده عن أهل بيته وأمة الاسلام كبشين املحين اقرنين
فالذبح مب عيب لأن بعض الناس يعيب الشغلة ويقول لك شو انا بتاني !!
أحيانا تحتاج هذه الشغلة في البر وخاصة هذه الايام الجو غاوي وتذبح لك راس وتبهره وتسوي لك مندي ، شي جميل الصراحة !!
والمقاصب التابعة لبلديات الدولة اليوم زحمة للغاية فمتى الواحد ياكل من ذبيحته أو متى يخلص ويرجع البيت ويزور الاقارب والأحباب والله يكون بالعون .
الحمدلله احنا كل عيد ذبايحنا نذبحها انا واخوي في البيت باشراف الشيبه….طبعا يمصخرنا شويه ويتفلسف علينا في كل شيء …بس هذا شيء عادي لان كل الشيبان طبعهم كذا