السلام عليكم ورحمة الله وبركاته
تقبل الله طاعتكم وعساكم من عواده وكل عام وانتم بخير
من منكم ذبح الاضحية بإيده في البيت اليوم ؟
وليش اللي ما يعرف يذبح إنه يتعلم بدل ما يجيك البيت بتاني ما يخصه بالذباحة تحصله خياط ما أدري ميكانيكي ويوم العيد يودر شغله ويذبح للناس ؟
ما ادري اليوم مستشفى راشد كم استقبل جرحى وقتلى من جراء الأخطاء اللي يرتكبونها القاصبين المتجولين خلال معاركهم الدامية مع الأضاحي ؟ 
أنا الصراحة صار لي اذبح من 8 او 9 سنين والشغله يبالها شوي تعليم ويغنيك عن الاتكالية والتعلق بالمقاصب والذباحين المتجولين هذا بالنسبة لأصحاب البيوت الشعبية أو الفلل أما بالنسبة لسكان الشقق فالله يكون بعونهم الشغله بالنسبة لهم صعبة جدا .
ذبح النبي صلى الله عليه وسلم بيده عن أهل بيته وأمة الاسلام كبشين املحين اقرنين
فالذبح مب عيب لأن بعض الناس يعيب الشغلة ويقول لك شو انا بتاني !!
أحيانا تحتاج هذه الشغلة في البر وخاصة هذه الايام الجو غاوي وتذبح لك راس وتبهره وتسوي لك مندي ، شي جميل الصراحة !!
والمقاصب التابعة لبلديات الدولة اليوم زحمة للغاية فمتى الواحد ياكل من ذبيحته أو متى يخلص ويرجع البيت ويزور الاقارب والأحباب والله يكون بالعون .
اف اليوم من عقب صلاة العيد ولغاية الساعة 12 لما حصلنا دور في مسلخ بو ظبي وتدخلت الشرطة ورجال مكافحة الشغب وشرطة المرور في تنظيم العملية.
بصراحة مسلخ ابو ظبي يباله ترتيب جديد بدل الهدلة في يوم العيد.
ايييييييييييوه
مثل ماقال اخوي طاير الشوووووووووووووق
ذبح لا يمكن سلخ تقطيع تنضيف مب مشكله
نتعلم على الخروف ونسير نقصبه بالغلط حرام مب زين….
ذبح ما اذبح ولا ابي اتعلمه
سلخ مافي مااانع
يخافون من انه يعضهم
لوووووووووول
مأعتقد عيال اليوم يجازفون .. لأنهم حنينين قلبهم رهيييييييف ..
أنا أقتل القتيل وأمشي في جنازته يعني الخروف مايهمني ..