السلام عليكم ورحمة الله وبركاته
تقبل الله طاعتكم وعساكم من عواده وكل عام وانتم بخير
من منكم ذبح الاضحية بإيده في البيت اليوم ؟
وليش اللي ما يعرف يذبح إنه يتعلم بدل ما يجيك البيت بتاني ما يخصه بالذباحة تحصله خياط ما أدري ميكانيكي ويوم العيد يودر شغله ويذبح للناس ؟
ما ادري اليوم مستشفى راشد كم استقبل جرحى وقتلى من جراء الأخطاء اللي يرتكبونها القاصبين المتجولين خلال معاركهم الدامية مع الأضاحي ؟ 
أنا الصراحة صار لي اذبح من 8 او 9 سنين والشغله يبالها شوي تعليم ويغنيك عن الاتكالية والتعلق بالمقاصب والذباحين المتجولين هذا بالنسبة لأصحاب البيوت الشعبية أو الفلل أما بالنسبة لسكان الشقق فالله يكون بعونهم الشغله بالنسبة لهم صعبة جدا .
ذبح النبي صلى الله عليه وسلم بيده عن أهل بيته وأمة الاسلام كبشين املحين اقرنين
فالذبح مب عيب لأن بعض الناس يعيب الشغلة ويقول لك شو انا بتاني !!
أحيانا تحتاج هذه الشغلة في البر وخاصة هذه الايام الجو غاوي وتذبح لك راس وتبهره وتسوي لك مندي ، شي جميل الصراحة !!
والمقاصب التابعة لبلديات الدولة اليوم زحمة للغاية فمتى الواحد ياكل من ذبيحته أو متى يخلص ويرجع البيت ويزور الاقارب والأحباب والله يكون بالعون .
انا عن نفسي عادي عندي اذبح ولكن هالمرة مسكت الذبيحة وبن خالي ذبحها ..
وفعلا هني المتعة في الاضحية انك تذبحها بيدك وتقطعها وتوزعها ..
اللي ما يذبح ويخاف من الدم مب ريال ياخي لا تعمم على الكل واذا ما تعرف ترمس لا ترمس
السلام عليكم
الصراحة اخوي الي اصغر عني ذبح الذبيحة وصلخها وقطعها
الواحد لازم يعلم عياله الذبح لانه الرسول صلى الله عليه وصلم ذبح وهذي سنة نبينا وهالايام الصراحة الرياييل ما ادري بلاهم ؟؟؟ صارو ومن دون زعل مب رياييل يخافون من الدم وكله متحسسين ولو نرجع فيهم بس 15 سنة ورا جان شفنا اباءهم افضل ناس فس الذبح ومحافظين بتقاليدهم
والسموحة
بالنسبة للمتعة أول شيء أحس إني أسوي شيء عظيم وكلما كان الشخص مخلص لله في هذا الذبح كلما زادت متعته واسألي المجربين ، وصراحة أنا أعتبر الذباحة فن وكلما حافظ القصاب على الذبيحة من الأوساخ والشعر المتناثر وقلل من استعمال الماي في التنظيف أعتبره فنان
وجزاك الله خير وبارك فيك وتقبل الله منا ومنكم
ذبحت وصلخت والحمدالله ما نقص مني شي