السلام عليكم ورحمة الله وبركاته
تقبل الله طاعتكم وعساكم من عواده وكل عام وانتم بخير
من منكم ذبح الاضحية بإيده في البيت اليوم ؟
وليش اللي ما يعرف يذبح إنه يتعلم بدل ما يجيك البيت بتاني ما يخصه بالذباحة تحصله خياط ما أدري ميكانيكي ويوم العيد يودر شغله ويذبح للناس ؟
ما ادري اليوم مستشفى راشد كم استقبل جرحى وقتلى من جراء الأخطاء اللي يرتكبونها القاصبين المتجولين خلال معاركهم الدامية مع الأضاحي ؟ 
أنا الصراحة صار لي اذبح من 8 او 9 سنين والشغله يبالها شوي تعليم ويغنيك عن الاتكالية والتعلق بالمقاصب والذباحين المتجولين هذا بالنسبة لأصحاب البيوت الشعبية أو الفلل أما بالنسبة لسكان الشقق فالله يكون بعونهم الشغله بالنسبة لهم صعبة جدا .
ذبح النبي صلى الله عليه وسلم بيده عن أهل بيته وأمة الاسلام كبشين املحين اقرنين
فالذبح مب عيب لأن بعض الناس يعيب الشغلة ويقول لك شو انا بتاني !!
أحيانا تحتاج هذه الشغلة في البر وخاصة هذه الايام الجو غاوي وتذبح لك راس وتبهره وتسوي لك مندي ، شي جميل الصراحة !!
والمقاصب التابعة لبلديات الدولة اليوم زحمة للغاية فمتى الواحد ياكل من ذبيحته أو متى يخلص ويرجع البيت ويزور الاقارب والأحباب والله يكون بالعون .
يا حيكم والله
كل عام و انتوا بخير
انا الصبح من سمعت امي تقول لاخوي سير بيت خالتك هات الخروف…سيييده رحت انخشيت تحت اللحاف..وما طلعت لين اخوي الصغير ياني يبشرني انه عملية الذبح تمت بسلام طبعا خالي اللي ذبح…
وعقب نزلت ساعدتهم بالتقطيع و والتنظيف
وتميت لي عقب ساعتين معاناه مع الريحه في ايدي ..ما خليت صابون ما خليت ليمون ما خليت عطر ما استخدمته…يييييي
مبروك الفوز في المعركة ههههههه
الحمدالله ذبحت اليوم ودخلت معركه مع الذبيحه والخساير طبعنا راس الذبيحه وكندورة العيد مال ولدي الصغير سعيد كان يحاول يساعدني بمسك يد الذبيحه بس مشكلته كان في طريق الدم ، واشتكاني عند جده لان كندورة العيد خاسة دم
الحمد لله ذابح 3 ذبايح اليوم الصبح
ابوية الله يرحمة معلمني من يوم عمري 15
وعيالنا اليوم يشهدون الذبح ويعاونون في الصلخ وغيرة
الريال لازم يتعلم هذا الشي
اذا مرو علية خطار ولا كان في رحلة
كيف بيذبح اذا مايعرف
الله يتقبل طاعانتا يارب
وين شباب اليوم يخافون من الدم تقول ذبح لووول