السلام عليكم كيف حالكم اخواني ….
في هذا الموضوع حبيت اقدم لكم مساعدة ومعلومات للي حاب يشتري من النت لان اللي اشوفه ان التجار وااايد مبالغين في الاسعار ويستقلون الزبائن والطريقة واايد بسيطة وسهلة
الخطوة الاولى : فتح حساب في ارامكس ويكلف 130 درهم فقط وتسير وتخبرهم تبي تفتح حساب shop & ship والحساب بيكون جاهز خلال 24 ساعة وبيعطونك عنوانين عنوان الاول في نيويورك وعنوان الثاني في لندن والطريقة ان اذا طلبت من النت تحط عنوانك اللي في نيويورك وتكتب رقم الشارع والمنطقة والكود واول مايوصل السمان في حسابك في نيويورك يتطرش دايركت حق الامارات وبيكون سعر الكيلوجرام من نيويورك لين الامارات 60 درهم حق الكيلو واحد واذا زاد عن 10 كيلوجرام بيسوون لك دسكونت 30% وفترة التوصيل من 3 لين 6 ايام.
الخطوة الثانية: تدخل على موقع TRD Toyota-Scion Performance Parts Accessories from Sparks Toyota-Scion وتدور عن السامان اللي تباه وفي مواقع كثيرة بس انا افضل هذا الموقع لان عن تجربة اسعاره رخيصة وعنده سامان كثير وبعدها تشتري وتكتب رقم الفيزا واذا ماعندك فيزا تقدر اطلع بطاقة شراء من النت من اي بنك وتكتب عنوانك حق الارامكس اللي في نيويورك والموقع بيطرش السامان حق عنوانك االارامكس في نيويورك وبعدها دايركت بيطرش حق الامارات وبيوصل لين باب البيت وعن تجربتي العملية كلها ماتخذ اسبوع
واذا احتجتوا اي معلومة انا حاضر لكم 
جورج اكبر نصاب في البلاد حرامي درجة اولى تخيل سعر الصفايف ب 350 درهم ويبيعهم ب 950 درهم وسعر سير المكينة ب 120 درهم ويبيعه ب 300 تخيل في سامان كنت اباه قالي ب 4500 درهم ومن النت طلبته طلع السمان كامل مع الشحن 1900 درهم واصل لين باب البيت والفتره خذت اسبوع كامل
مشكور اخوي بخصوص الهدرز و الاكزوز اتصل في ارامكس وخبرهم وهم بيرتبون لك وسعر الشحن بيكون رخيص لانه بيتحول cargo او يمكن بيطرش عن طريق الجو وبيكون السعر 60 درهم حق الكيلو الواحد
جزاك الله الف خير , والله العظيم أني مشتري عند بن حوفان فوق 4000 منظرة 1200 درهو والصطابات الي ورا ثنتين 3200 والهرم جورج با بغا ينزل ولا درهم قال تبا خذ ولا بكيفك وفي النت ما يوص 500 درهم لووووووووول ….
تقبل مروري ..
تسلم اخوي وماقصرت
ماقصرت أخوي الجوكر
والموقع شفته من فترهـ .. بس
راح عن بالي
وصدقك التجار رافعين الأسعار .. وف النت ممكن تحصل أشياء مش موجوده ف البلاد او نادره
أخوي جربت تشحن شيء كبير نوعا ما .. انا مجرب أشياء خفيفه بس ماتعدي 3 كيلو
بس كيف إذا بغيت أشتر أكزوز أو شيء حجمه أكبر شوي
آرامكس يرتبون الموضوع ولا اشوف شحن بحري .. اذا عندك فكرة تساعدني
وتسلم الغالي …