السلام عليكم
مع احترامي للجميع اسفه على طرح الموضوع بس لان الموضوع زاد عن حده حتى اصبح انك ما تشوف الا عدد قليل من البنات المحترمات في السناتر
تركنا جميع معاني الحياء حتى انهن اصبحن يطفلن على ريايلنا
صغار في عمر العشرين تطلع بكامل زينتها من ميكب ( اهم شيء الروج الاحمر والا الفوشي ) لزوم الكشخه وتساريح الهضبه وكعوب ما اعرف كيف تمشي المول كله على الكعب الدبوس
طلعت ظاهره البنطلون الجينز ( الاسكيني ) ورفع العباة من جهه ( والله استحقرهم ) والشنطه اللي اكبر عن شنطة السفر
دايماً اسأل نفسي هل هاذيل كلهم بدون اهل يعني بدون اخوان بدون والدين يشوفون لبسهم قبل لا يطلعون
كل ما تي فتره يدمرن البنات اكثر ليش ما وراهن لا حسيب ولا رقيب !
ودي بلفته للشباب اللي يدورون وراء ها البنات اقولكم اللي عارضه نفسها لك تراها عارضه نفسها لغيرك والله اعلم شو من المصايب اللي ممكن تييب لك اياها !
هل معقول
انه تطلع اختك والا بنتك من باب البيت بس للتسكع في المولات بدون هدف ؟
موضوع قاهرني من زمان وين الغيره وين الحشمه
الأهل يلعبوون دووور و المدرسه تلعب دووور و الجامعه تلعب دووور و الوظيفه تلعب دووور …
و التربيه من الأساس تلعب دوور أكبر ..
صدقوووني عنا أشياء لو نتخلص منها في بيوتنا بنرتاح و بتصلح حال كثير ..
منها الدش اللي يصب و يمطر ليلا ونهارا أفكار غريبه شاذه بدون رقابه و الأنترنت اللي مفتووح لمن هب و دب ..!!
عفوا على هالكلمه .. أوول زمان الشباب كانوووا يروغون البنات … بس الحين ما يحتاج هالعباله *_^
اللهم امين
اشكر مرورج اختي الصغنطوطه
ما اقدر اقول غير الله يهديهم ويصلحهم
ويحفظ اهلنا واهالي المسلمين من هذا الانزلاق
واللهم لا شماته
لا هنتــــي
تحياتي
اختكم
سهمي عالي
اشكر مرورج اللي اسعدني
دايما احب اقرأ ردودج ما اتقصرين اختي
قريت كل الردود…وكلها ماشاء الله…وفت ووكفت…
يكفي العنوان إن شاء الله يكون رادع لهذه الفئة لها ولأهلها ولولي أمرها..
راعية الموضوع..شكراً