السلام عليكم
الحمدلله قدرت اوفر 30 الف درهم لشراء سيارة جديده
بس الحين محتار شو اخذ بهذا السعر
في اختيارات كثيرة نفس الكامري والالتيما و ….
الموديل ما ابيه يقل عن 2005
فاتمنى انكم تساعدوني بالاختيار
الي يهمني بالسيارة انها تكون مريحة وقوية وسريعة
يعني اول ما ادوس تمشي بسرعة مب بعد دقيقة توصل سرعتها 100
وشكراً
تفكيرك صحيح بخصوص الموديل مايكون أقل من 2005
لكن اذا بتاخذ تويوتا أو لكزس … تقدر تستثني هالشرط .. لان هالسيارتين لو تاخذ موديل موديل 2000 بشرط النظافه راح يعيش معاك 5 سنين جدام ويتحمل الكراف
جوفلك لكزس ls400 سيارة عملية 8 سلندر تنفع للخطوط وفخمه !! مثل ماقال أحد الاخوان موديلا 89 99 و 2000 ركز عليها وان حصلت وحده نظيفه لا تتردد وتفوتها
ربي يوفقك يالغالي
تبا فخامه وقطع غيار مقدور عليها ؟
تبا موتر ينقال عنه موتر
خذلك لكزس بهالقيمه وادعي لي
2000 موديل
شكرا اخواني بس ذكرت ابي موديل 2005 وفوق
ما اريد اقل من هذا الموديل
اذا للمدينه , يارس 2007-2008
اذا للخطوط دورلك كامري 2003
لكزس ls 400 موديل 98 او 99 او 2000
بس تبا نصيحتي خذه نظيف