السلام عليكم
الحمدلله قدرت اوفر 30 الف درهم لشراء سيارة جديده
بس الحين محتار شو اخذ بهذا السعر
في اختيارات كثيرة نفس الكامري والالتيما و ….
الموديل ما ابيه يقل عن 2005
فاتمنى انكم تساعدوني بالاختيار
الي يهمني بالسيارة انها تكون مريحة وقوية وسريعة
يعني اول ما ادوس تمشي بسرعة مب بعد دقيقة توصل سرعتها 100
وشكراً
هوندا اكورد 2005 بس تأكد ما تكون ماشية وايد
عن تجربة استخدامها حلو ومريح وريسها خفيف
BMW 330ci
سيارة مريحه , قوية (محركها 6 سلندر بس ما تستهلك لان اسطوناتها صغيره يعني صرفها يعادل الكامري 4 سلندر) ..
وشكلها حلو وسيارة المانيه واسبيراتها متوفره ..
اهم شي الاستخاره قبل لا تشتري حتى علبة بسكويت ..
تيدا والحياه يديده ههههه
شكرا اخوي على رايك وبنتظار بقية الاعضاء
عن تجربه صني ٢٠٠٥ لين يومك املك الصني و في حياتي ماشتكيت منه الا من الكمبريسر
او سيفيك ٢٠٠٥
و تبى شي للخطوط و عن تجربه سنين كابرس ١٩٨٩ ال اس فول اوبشن و لين يوم املك الكابرس و كنت دايما افضل الكابرس عن الاس ٥٠٠ ٢٠٠٤ من كثر ماهو مرييح لوول تخيل مرسدس اس كلاس و كابرس ٨٩ و اخر شي اركب الكابرس (هذا لو حصلت واحد للبيع لاتفوته)
و على كلامك تبى شي مريح و سريع خذلك كابرس بشرط يكون ال اس (١٩٨٦-١٩٩٠)
او ليكسز موديل ال١٩٩٤ لل١٩٩٧