السلام عليكم
تعجبت اني ما اشوف موضوع مخصص لهذا المصرف … معقولة ان بس اللي اتعلفت فيه ولا حد ناشد عنه
تعلقت فيه بظرف 5 قايق وقلت يمكن يرد لكنه والحمد لله نزل ع اللمت داون حتى امس عرضته على الماركت وما تنفذ .. الله المستعان …..
ممكن تنوروني الله لا يهينكم
السلام عليكم ورحمة الله وبركاته
في البداية اقول ربي يعوض من علق و يزيد ويبارك برزق من رزق
واحب اوضح بانه ماسيكتب من قبلي وجهت نظر شخصيه وليست توصيات بشراء او بيع سهم مصرف عجمان
كلامك صحيح الكثيرين توقعوا اغلاق السهم اليوم على اللمت داون ولكنه ارتد
هذا لايعني انه ما بيرتفع سعره او مابينزل اكثر لا تنسى هناك ناس عالقه ولن يرفع سعره الا بعد معادلتهم للخسائر ترا في هوامير علقو و الهوامير طبقات ودرجات كلن حسب كبر جيبه يخويه ههههههه
يعني كل ماينزل يزيد كميته عشان يعادل السعر
بمامعناه الي اشترا بمليووون على 4 بيرد يشتري على 2 وبيعادل السعر على 3 وهكذا لين ينزل سعر شرائه للسهم لشي يمكن الوصول له في القريب العاجل ان شاء الله
اقتباس:
اي مستقبل ؟ يقولوك لين الحين مافتحوا دكانهم ..
احسبها موظفين و مشكال و قوانين و الخ
ليش ماله مستقبل يا اخي الكريم
لا تنسى انه اول بنك في امارة عجمان ولا تنسى كذلك انه اسلامي والاقبال على المصارف الاسلامية كبير
وامارة عجمان بها طفره لا يستهان بها وهذا امر واضح للجميع يعني لو يمول نسبة 30% من مشاريع عجمان وهو مصرف جديد شي طيب
في نظري السهم واعد وله مستقبل
اقتباس:
بلغت خساراتي خلال الأسبوع المنصرم 523000 درهم و الله يستر
و منو العوض و عليه العوض
و لكن الأمل معلق على توقف البيع و التلاعب
ربي يعوضك ان شاء الله وكان يبالك تتريا شوي لفترة الاستقرار او ما قبله بقليل على الاقل تعرف حجم السيوله الفعليه على السهم و كيفية المضاربات عليه
في نهاية الامر لا تنسو انه اسعار الاسهم في السوقين لا تبت بصله الى ارباح و نشاط الشركات واكبر دليل سهمي اعمار و الدار العقاريه
وهناك اسهم في السوقين المحليين لا تملك اي شي من المشاريع واسعارها في ارتفاع لا مبرر له غير المضاربات
(اسميها اسهم بسكوت سريعت الذوبان والكسر يعني من يطلع منها الهوامير تتناثر ويتعلق ابها الصغار)
بصراحة انا اسمي السوقين ب سوق دبي للاهواء المالية و سوق بوظبي للاهواء المالية
وليس للاوراق الماليه طالما الاهواء تتحكم به الامر الذي ترك انطباع الريبه و الخوف و عدم الثقه لدى الكثير من المستثمرين على المستوى المحلي و الدولي
فهل يعقل بان تصل اسعار اسهم سوقي السعودية و قطر الى هذا الارتفاع وهي لا تملك ربع مشاريع شركات الامارات
حتى المحللين الاجانب عجزو عن تحليل السوقين وعند تقييمهم للاسهم المحلية اعطو الاسهم الاماراتيه اعلى من اسعارها الحاليه بكثير
في النهاية
اسواق الامارات المالية تحتاج الى النظووووج و الشفافية و الوضوح
كسوق الكويت
و السموحه على الاطاله
اتمنى التوفيق للجميع و الرزق الحلال
الكلام سهل ………..
سهم عجمان بيوصل 1.92 في الاسبوع القادم والله يستر
الله يعوضك يا اخوي ان شاء الله