السلام عليكم ورحمه الله
مثل ماوصلني الخبر من فتره طويلة ..
واعااتب بشده بعدم نزول هالخبر في المواقع خاصه من المكاتب العقاريه .. والسبب ان بيعتهم بتخترب ..
يعني بالمختصر : اي عقار جديد غير السكني فقط (سكني استثماري ، سكني تجاري ، محلات)
مابيدخل لهم الكهرباء الى سنه 2015 .
فأحرصوو ياجمااعه ..
بس اللي ياخذ الارض سكنيه للسكن ومش للتجاره (ملك او منحه) فقط عادي مافي مشكله وتدخل فيها الكهرباء.
لكن اروح اشتري ارض تجارية وابغي اسوي بنايه وفيها محلات وماتدخل فيها الكهرباء لحد 2015 ،، هذه فيها مجازفه جداا.. يالواحد يصبر على عقاره 5 سنوات بدون كهرباء او يشتري جانريتر ويفك نفسه ..
ربح 5 سنوات بتطير مع الهواا.. والجهه اللي متسلف عليهاا تبغي فلوس ..
أرجو توضيح هذه المسأله هل هي صحيحه او لا ؟
راس الخيمه المنطقه الشمالية..
.
اخوي sinar bulan ممكن توضح وين المقصود في راس الخيمة ولا ابوظبي.
شكرا اخوي على التنبيه
أخوي العزيز : الموضوع هذا الكل يعرفه وصار له أكثر من سنة … المشكلة في الامارات الشمالية تكمن في ضعف المولدات الكهربائية وهذا اللي يصعب فكرة توصيل الكهرباء لأي منشأة حديثة في الوقت الحالي ,,
توصيل الكهرباء حاليا على دفعات ,,, سواء سكنية ولا تجارية ولا استثمارية ,,, وهذا الكلام عن تجربة شخصية بيت سكني استغرب 4 أشهر للتوصيل ,,,
الأمل حاليا مرتبط في الخط الممتد من بوظبي باتجاه الامارات الشمالية وراح يستغرق فترة طويلة ,,,
البيع والشراء يتأثر بس مب بشكل قوي بشان القسائم ,, اللي راح يتأثر التجاري السكني اللي راح يتأخر عليهم توصيل الكهرباء ,,,
في معلومة متداولة : ان في شركات خاصة راح تبين الكهرباء خلال الفترة القادمة ,,,
بالنسبة للمكاتب العقارية أنها تتكتم على الخبر ,,, شو المصلحة في التكتم ؟ اللي راح يشتري راح بتخبر عن الأرض وعن الخدمات الموجودة في المنطقة قبل ما يشتري ..