السلام عليكم و رحمة الله و بركاته
قبل حطيت موضوع و محد مول رد عليه
أنا حلمي يكون عندي محل خياطة و تصميم .. لكن ماعرف شو الخطوات اللي المفروض أسويها مثال : كيف أحصل الرخصة ؟ و كم تقريبا بيكلف المشروع ؟
عندي وايد أفكار لكن ماعرف كيف أبدا .. أحس لو بديت عقب كل شي بيكون أسهل
يا ريت تساعدوني .. أرجوووووو الرد
مرحبا اختي
اسهل شي في بلادنا تفتحين محل..
الخطوات:
1_تستأجرين محل في اي مكان..
2_تسجلين الرخصة التجارية في البلدية و غرفة التجاره والصناعه(بالكثير ياخذ منج 3 ايام)..
3_تبدين تييبين عمال على اقامة المحل..
4_تهتمين في الديكور لان اهم شي في بلادنا هذي الديكور…
وكذا بيكون محلج جاهز…
لازم تراعين موقع المحل اذا مثلا انتي من بوظبي لازم يكون محبج في الخالديه او شارع المطار او مدينة زايد…
لان موقع المحل له تاثير كبير في المحل…
وبالتوفيق اولا واخيرا
السلام عليكم
الطريقة مثل ما قالو الأخوان بس عندي شوي اضافة ..فكرة المشرووع زينه بس اهم من كل شي لازم تحسبينها وتدرسينها صح عل خطوه خطوه بالتدقيق.. و تسالين او تستشرين شخص عل اقل اللي عنده محل خياطة او خبرة في هالمجال…
ليش عشان تفهمين زين في مشروعج ..
وبالتوفيق انشالله