السلام عليكم و رحمة الله و بركاته
قبل حطيت موضوع و محد مول رد عليه
أنا حلمي يكون عندي محل خياطة و تصميم .. لكن ماعرف شو الخطوات اللي المفروض أسويها مثال : كيف أحصل الرخصة ؟ و كم تقريبا بيكلف المشروع ؟
عندي وايد أفكار لكن ماعرف كيف أبدا .. أحس لو بديت عقب كل شي بيكون أسهل
يا ريت تساعدوني .. أرجوووووو الرد
السلام عليكم…
اختي مريم بخصوص المشروع اللي في بالج الخطوات سهله بس لازم اتسوي دراسه واتحطين راس المال المطلوب ويعتمد شو فكرتج بالضبط عن المحل اللي بتسوينه
والاجراءات سهله دوريلج محل مثل ما قال الاخ وشلي العقد
وطلعيلج اسم تجاري وعقب الرخصه
ودوريلج عمال خياطه وحطي كفالتهم على المحل
واشتري الشياء المطلبوه للمحل من ديكور واجهزه
وانتي والخير ارباعه والله يوفقج
والسموحه وهاي من معلومتي
دوري محل للإيجار
وبعدين اتجهي للدائره الاقتصاديه مع عقد الايجار والاوراق الثبوتيه والرسوم
وبعدين افتحي ملف في وزارة العمل عشان تستقدمين العمال من الخارج
ولازم توفرين سكن للعمال ومن الافضل يكون السكن قريب على مقر العمل عشان توفرين المواصلات
ولاتنسين المحل يحتاج مكائن وديكور
والسكن يحتاج لوازم المعيشه من فرن للطبخ وغساله واماكن مخصصه للنوم ……. الخ
في البدايه بتحتاجين تصرفين دون مردود ويمكن الوقت يسترق 6 شهور الى سنه
العمليه متعبه في البدايه ومحتاجه للصرف والصبر
وبعدين لازم تثبتين وجودك من خلال التصاميم المميزه لين ما تكونين سمعه بين الناس
اعتقد بتحتاجين 300 الف لمدة سنه ولاتظنين ان الربح بيكون من اول شهر بالعكس لازم تحسبين انه ماشي ربح لمدة سنه
دوريلج ع محل تستاجرينه وبعدين شلي عقد الاجار البلديه عشان الرخصه وووو بعدين الامور بسيطه – الي قلته اصعب شي
والتوفيق من الله
انا ما اقصد فيدوني في الخياطة
انا اقصد فتح محل عموما .. شو يحتاي اسوي عشان يكون عندي محل ؟؟؟؟؟
انا عن نفسي ما اعرف شي عن الخياطه ان شاء الله يفيدونج