مشروع بوابة الشارقة لشركة بنيان… مشكلة اريد لها حلا!!

أخواني و أخواتي

في 2004 اشتريت شقة في مشروع بوابة الشارقة التابع لشركة بنيان

لحد الحين البرج هذا ما جهز [GRADE=”00008B FF6347 FF0000 4B0082″]!![/GRADE]
المهم، تفاجئنا السنة الماضية ان الشركة تجول الشقة التي اشتريناها (غرفتين نوم و غرفة شغالة) بقدرة قادر صغرت وصارت غرفتين نوم بس بسبب بعض المشاكل الفنية
الجماعة قالوا بنعوضكم تقريبا 50 الف درهم
ولكن، قالوا ان قانون في بلدية الشارقة طلع يلزم كل الابراج انها تبني مواقف داخلية ضمن البناية
وعلى ضوء هذا، الشركة قالت انه لازم ندفع 50 الف عشان الموقف (طبعا العقد لاكان فيه موقف ولا شي)
و في هذي الحالة، ال50 الف تلغي 50 الف التعويض والسلام ختام و شكرا على حسن تعاونكم
طبعا اتا رفضت و قلت ان الموضوعين ما لهم علاقة ببعض
قلتلهم ابي شقتي مثل ما اشتريتها بالضبط و انا مالي شغل
قالوا او كي، بنعطيك شقة في احد الطوابق السفلية مطابقة لمواصفات شقتك الاصلية
وعشان نزلت تحت 10 طوابق، قالوا بيعوضوني 3 الالاف درهم
بس الموقف ما في مفر منه ولازم ادفع 50 الف
انا قلتلهم ان ثمن الشقة الاصلي هو 430 الف، كيف تبوني ادفع 11% عشان موقف؟؟ و عرضت عليهم 20 الف لا غير
قالوا لا، قانون البلدية واضح و سعر الموقف هم يحددوه و راكبين راسهم

الحين ما أعرف شو اسوي، و البناية شكلها ما راح تخلص الا في 2009

اريد اعرف، حد تعرض لنفس المشكلة في هذا المشروع؟ و هل حد من الطيبين ينصحني بمحامي عربي (لان العقد بالعربي) يعرف ياخذ حقي منهم؟ و شاكر لكم فضلكم