بعد ما ذكروا الشباب جزاهم الله كل خير مشاكلهم مع اتصالات حبيت اذكر مشكلة عانيتها منهم بالاضافة الى طريقة من طرق نصبهم..
1- موبايل البلاك بيري ما يشتغل الا على شريحة اتصالات اذا كان ضمان اتصالات مع العلم انهم ما بيقدموا اي خدمة زيادة عن الاجهزة الي بضمان اخر… مسوين بلوك يعني احتكار استخدام
2- يوم اتصل في الاستعلامات 181 لتحصيل رقم اي شركة او مطعم او محل يطرشون لي 3 مسجات لنفس الرقم مع العلم انو المسج يوم يطرشوا ينخصم منك 50 فلس حسب علمي.. يعني كل رقم اضرب في 3 وشوف كم عميل بتصل يستفسر واكيد صارت مع الكل..
يعني تفرق مئات الآف معهم فهل الموضوع طبيعي ولا هذا نصب عيني عينك..!!!
3- كل اسبوع يتصل موظف من عندهم لتزويد سرعة الانترنت وانا اقولهم شكرا ما في داعي اخر شي طرشولي عمال التحديث لزيادة السرعة قلتلهم انا خبرتهم ما اريد الشغلة غصب يعني وكنسلولي الطلب الي انا ما طلبته… يعني يبغون اشترك بالغصب..؟؟
ارجو التعليق على الموضوع…. 
عاد ياليت الخدمة متميزة
النت مال البلاك بيري تعبان ياليت يهتمون فتعديله مثل مايهتمون بخصم لرصيد اول مايطوف الشهر
بالنهاية بيتغير فيهم شي؟
بنحل شي؟
والقهر … ان العالم كلها تعرف وهم يعرفون
لكن…
الشكوى لغير الله مذله
يا جماعة عندي حل ..
اللي عنده بلاك بيري ينشر فضايحهم عن طريق البلاك بيري ويطيح فيهم طيح …
صح كلامك صحيح 100%
وازيدك من الشعر بيت
نحن قلنالهم مانبا نزيد سرعة الانترنت
وزادوها بروحهم
وشهريا الفاتوره طبعا 400
قلت شو السالفه قالوا انهم زادوا السرعه والسرعه نفس الاوليه بالضبط ماشي تغير (اكيد اللي جربوا لاحظوا هالشي )
قالولي لازم تزورنا وتقدم طلب تخفيض السرعه واتهاد وياهم قلتلهم يعني انتو بروحكم اللي زدتوا السرعه وبكيفكم ويوم قلتلكم ماريدها قلتوا لازم اتيينا
نتمنى شركه عدله تدخل عندنا وبلا هالحراميه اللي مخلينهم على كيفهم