بعد ما ذكروا الشباب جزاهم الله كل خير مشاكلهم مع اتصالات حبيت اذكر مشكلة عانيتها منهم بالاضافة الى طريقة من طرق نصبهم..
1- موبايل البلاك بيري ما يشتغل الا على شريحة اتصالات اذا كان ضمان اتصالات مع العلم انهم ما بيقدموا اي خدمة زيادة عن الاجهزة الي بضمان اخر… مسوين بلوك يعني احتكار استخدام
2- يوم اتصل في الاستعلامات 181 لتحصيل رقم اي شركة او مطعم او محل يطرشون لي 3 مسجات لنفس الرقم مع العلم انو المسج يوم يطرشوا ينخصم منك 50 فلس حسب علمي.. يعني كل رقم اضرب في 3 وشوف كم عميل بتصل يستفسر واكيد صارت مع الكل..
يعني تفرق مئات الآف معهم فهل الموضوع طبيعي ولا هذا نصب عيني عينك..!!!
3- كل اسبوع يتصل موظف من عندهم لتزويد سرعة الانترنت وانا اقولهم شكرا ما في داعي اخر شي طرشولي عمال التحديث لزيادة السرعة قلتلهم انا خبرتهم ما اريد الشغلة غصب يعني وكنسلولي الطلب الي انا ما طلبته… يعني يبغون اشترك بالغصب..؟؟
ارجو التعليق على الموضوع…. 
من احدث عروض نصب الاتصالات هو عرض تحويل البطاقة المدفوعة الى بطاقة جي اس ام ( فاتورة)
يعطونك 240 درهم لمدة سنة كاملة بواقع 20 درهم في الشهر يعني كل شهر تنقص من الفاتورة 20 درهم
مع العلم ان الاشتراك الربع سنوي 90 درهم كل 3 شهور
يعني يعطونك رصيد 60 ل3 شهور وياخذون 90 قيمة الاشتراك هههههههههه
وماتقدر تحول رصيد الا بعد مرور 90 يوم من تحويلك من واصل الى فاتورة
وحاطين بالخط العريض في الاعلان الترويجي 240 درهم رصيد مجاني عند تحويلك من واصل الى فاتورة ههههههههههه
ضحك على عقول الناس واستهتار بهم
ياريت حد منكم يروح الطابق رقم 13 في مبنى اتصالات الرئيسي في ابوظبي بالخالدية ويشوف بعينه المهازل والمغازل بين موظفين الاتصالات
قمة في الانحطاط وقلة الادب وعدم التربية للاسف
قبل كم من اسبوع كملت سنه بالنت ولما بغيت اجدد قالوا لازم تيي المكتب المهم سرت لهم وطلبت فتح الخط وقالوا لي لا والله اسمحلنا انت النت قبل كان عن طريق الكيبل والحين لازم يكون عن طريق الفايبر .. قلت لهم اوك بطلوا عن طريق الفايبر قالوا لازم تدفع رسوم موديم يديد والي عندك عقه بالزباله كاااااااااااش بالويهه المهم قالوا تبا تشتري ولا اجلب ويهك قلت خلاص ييبوا موديم يديد امري الله لاني كنت محتاي النت ضروري وعقب كم من يوم قالوا بندخل لك e-life لانه بالمستقبل بيكون الزامي علي الجميع قلت انزين شو المطلوب بس بيركبون موديم يديد غير مال النت وعلي حسابي والله قلت له لو تقرب صوب فريجنا بكسر لك سيارتك وريولك وسير خبر الي تباه .. المهم تخيل عاد كل موديم 240 درهم وشوف كم مشترك وكم بيرحبوا
ياريال كل موديم 240 درهم ولا عندهم حركه وسخه يحطون لك كل شهر 20 درهم الرسوم مالته وفجاه عقب كم من شهر ينزلون المبلغ كله بحسابك والي مايجيك مابيعرف ابد انهم قاصصصصين عليه
شو نسوي ونشتكي لمنو ولا لمين والي يقهر هاي دو مب طايعه تدش بوظبي لين الحين
انتو اصلا باردين لو انا مكانكم بفتح قضية عليهم و ما بسكت و بعلن في الجرايد
فالحين بس تتكلمون و تتشكون في المنتدى
تمو على هل حالة لين ما تنشفون
الله المستعاااااااااااااان…
اليوم صار عندي مشكلة جديدة معهم وهي فصل الانترنت المؤقت لأني بسافر..
قالو لازم تيجي المكتب ولازم اكون مكمل سنة من اخر مرة فصلته وبيعد علي 60 درهم كل شهر حتى بدون استخدام….!!!
شو هالذل هذا والمشكلة يوم تشترك بأي شي تقدر تتصل بس اما اي موضوع معكوس لازم تسير المكتب وتتبهدل…
نفس سالفتي