السلام عليكم ورحمه الله
شحالكم شخباركم ان شالله طيبين
اممم الله يسلمكم من بعد موضوع التمويل .. يات طلبات كثيره وكلها بافكار حلوه
وغير التمويل في مشاريع يات تطلب دراسات او ارشادات والكثير منها متميز وبعضها حصري
لكن للاسف اكثر هالمشاريع ماتشوف النور .. والسبب ان البعض يبي مشروعه عنده او يبي ربحه له او يخاف من سرقه الفكره
اخواني ترى سرقه الفكره يعتبر دعايه لها لان يزيد من مصداقيتها وشهرتها عن طريق المنافسين
المهم الافكار اللي ياتني في الكثير منها يقدرون يتعاملون مع بعض ويطلعون بمشاريع ممتازه وارباح عاليه ورؤوس اموال صغيره .. بس ينقصكم التعاون مع بعض
اخواني ياليت كل شخص عنده فكره حلوه او متميزه يكتبها على العام ترى الكثير بيستفيدون من التعاون مع بعض
فانصحكم لاتخلون افكاركم حبيسه الادراج طلعوها وناقشوا الناس فيها … لان ماشالله عليكم انبهرت بمشاريع الكثير منكم فيها تميز وتفكير صحيح وترتيب
الله يوفقكم اخواني وياليت نشوف مشاركاتكم هني اكثر بعد سواء اللي راسلوني او ماراسلوني
لان ترى بيكون في الكثير يفكرون مثلك ويقدرون يكملون مشروعك .. يعني تكملون بعض تجاريا
وبالتوفيق ان شالله للجميع
اخوي سهم واحد
كلامك صحيح
بس اكثر من 90% من المشاريع تتطلب صبر وتروي
بس في المقابل اكثر عن 90% يدورون الربح السريع
وهني الخطا
الاغلبيه يدورون افكار جاهزه وهذا مب خطا
بس الخطا انه الربح السريع يعميهم عن النظر في الجوانب ككل سواء السلبيه او الايجابيه
يعني خلاص
هذا مشروعه ناجع
خلاص بسوي مثله لانه ناجح
في اي مشروع كان
الاساس هو الاساس
يعني اي مشروع لازم دراسه عليه
يكون عندك المقومات جاهزه وعقب اتوكل
وبعد النجاح يريد الجد والمثابره والصبر
والصبر ممكن يكون اشهر او سنين
بس المهم انه يكون في نتيجه بالاخير
واتمنى التوفيق للجميع
شكرا لك أخي تريدنج لاين
ونقللك مميز كونك متميز بشخصك
وفعلا مع الأخ نايف تمثلان قامتان شامختان في قسم المشاريع التجاريه
بارك الله لكما كل اموركما وجزيتم خير الجزاء
أخوي تيريد
ما شاء الله عليك
مثالك يجمع ما بين اثنين
ايضاح التميز في الصدارة
و الفشل في اللحاق بالصدارة
في اعتقادي
لو ان الإخوان اللي قائمين على الموقع حاولوا اضافة ما يميزهم
لكانوا الآن في الصدارة
طبعا هنا لا نقول انم سرقوا الفكرة (لأن الفكرة كانت قد خرجت إلى العيان)
اللي حاولوا يصنعونه انهم يتبعونه في فكرته
و المشكلة في التبعية انه راح يكون وراء الأول
و يقارن به دائما
و هذا يضع المقلد او المكرر في مرتبة ثانية إن لم يضف الجديد إلى ما قلد أو كرر
في هذه الحالة يكون قد اضاف إلى ما قلده طابع التميز
طبعا ايجاد المميز يحتاج الى الكثير من المراقبة
و القليل من الجهد
و الكثير من توفيق الله
و اتمنى لأصحاب الموقع التوفيق لأنهم معلنين ان نصف العائدات ستكون للجمعيات الخيرية فإن كانوا جادين فاالله سيكون معاهم و يفتح بصيرتهم لما يميز الموقع عن اللي سبقه
مشكور تيريد والصراحه نقل متميز وباب الابداع مفتوح على مصرعيه للذى يريد ان يتميز وبالتوفيق للجميع ………….
الموقع المقلد
http://www.milliondirhamwebsite.com/ar/index.asp
من اللي سبق
الفكره لراعيها وبس
واي حد حب يقلد او يسرق فكره
الله فوق قبل اي شيء
لايضيع تعب احد
لانه بكل بساطه
لكل مجتهد نصيب
والسموووحه على الاطاله