السلام عليكم ورحمة الله وبركاته
سيداتي سادتي ( حلوه صح يعني ان اجتماع هاليومين كله اسمع يقولونها في الاجتماعات مع ان احيان الاجتماع مافيه سيدات يكون كله ساده ) ادري مب وقته بس سمحوا لي من تعب الاجتماعات ايي اسولف معاكم هني
عموما انا هاليومين غبت عنكم يومين وماتابعت المنتدى بس البركه في باقي الاخووات والاخوان اللي ماقصروا في مساعده بعضهم والتطوير والافكار الخياليه اللي طلعت اللي وايد استفدنا منها
عموما بما اني غبت يومين قلت لازم اييب شي حلو لاعضاء المنتدى ماشالله عليهم وعلى تفكيرهم ورؤيتهم فبعطيكم بعض من المشاريع اللي سويتها وبعضهم مجربين وبعضهم توني فكرت فيهم وان شالله الكل يستفيد منهم
الحلو فيهم ان بعضهم بدون راس مال والبعض الثاني براس مال صغير وايد وارباحه كبيره …
سمحوا لي على الاطاله بالمقدمه بس ان صار لي يومين ماكانت لي مشاركات تذكر فحبيت اعوض الحين
ولاتقولون لي صعب لاني شخصيا مجرب هالموضوع اكثر من مره ولو اني مادخلت لكم بالتفاصيل بنوع الجوايز وطريقة تقديمها وتسويقها اللي خلت عليها هالاقبال من الجمهور
عموماا احس اني وايد كتبت كلام هني فبكتب فكره ثانيه في الرد عشان لاتصير زحمه والاعضاء يضيعون
وبالتوفيق ان شالله واتمنى ان احد يطبق هالفكره لان بيربح منها بدون تعب وبدون راس مال
يمكنكم مشاهدة الكثير من المواضيع عن مشاريع صغيرة مربحة على هذا الرابط:
كفيت ووفيت الله يعطيك العافيه
تحياتي
بو احمد
الله يعافيك اخوووي بو احمد
وحاضرين لكم دوم ان شالله
السلام عليكم ورحمة الله وبركاته
اتصلت اليوم على امارات كول وقلت لهم عندي مسابقة ابا اعرضها عن طريق امارات كول بس كنت استفسر اذا اقدر ولا لا فتخبرني هو اذا كنت عن طريق شركه او فردي
وماشي حجزلي باجر موعد عقب الظهر في مقر الشركه
وانا كنت بس داق استفسر واتكلم هل اني اقدر اعرض مسابقه عن طرقكم وحجزولي موعد
وافكر لو حد عنده فكره او طريقه او اي شي مثل افكار اخونا نايف يفيدني
هو تخبرني عن الجائزة وقلت له اني ماحددتها بعدني وابصراحه i have no idea
^______________^
ههههههههههههه عفيه عليك عيل
يااخي انا يعجبني فيك حماسك وعلى طول دورت لك شركة تعرض الخدمه وكلمتهم
اي هذا الشغل ماشالله على طول الواحد يروح يدور ويسال لين يلقى اللي يباه
بس بعد وهقت روحك الحين شبتقول لهم في الموعد فكر بفكره وبتلقى ان شالله دام انك بديت حاول تواصل عشان تلقى احسن نتيجه وان شالله نشوف الافكار بعد
وبالتوفيق اخوي ان شالله وننطر نتايج اجتماعك معاهم
مرحبابك اخويه نايف ..من طول الغيبات ياب الغنايم
ما شالله عليييييييييييييك مبدع بمعنى الكلمه.. والمشاريع رهييييييييبه جمعت عليها بعض الافكار
وفي انتظار المشاريع الباقيه
مراحب اختي شموخ وتسلمين على تشجيعج وماشالله على ابداعج انتي في كل المواضيع الثانيه ..
وان شالله نشوف الافكار اللي جمعتيها لان تفكيرج سليم ميه بالميه 🙂
وان شالله المشاريع الجايه قريب اخليها وسمحوا لي على الغيبات هاليومين بس البركه فيكم ماشالله عليكم
وبالتوفيق ان شالله اختي شموخ
الامارات كووول عندهم خدمة المسجات
صحيح اخوي امارات كويل عندهم هالخدمه
تسلم على مرورك وارشادك
وبالتوفيق ان شالله
ماشالله عليك يا خويه نايف الصراحه افكار في قمة الابتكار والابداع والواحد يتشجع انه يفكر ويحاول….ماقصرت وننتظر المزيد