السلام عليكم ورحمة الله وبركاته
سيداتي سادتي ( حلوه صح يعني ان اجتماع هاليومين كله اسمع يقولونها في الاجتماعات مع ان احيان الاجتماع مافيه سيدات يكون كله ساده ) ادري مب وقته بس سمحوا لي من تعب الاجتماعات ايي اسولف معاكم هني
عموما انا هاليومين غبت عنكم يومين وماتابعت المنتدى بس البركه في باقي الاخووات والاخوان اللي ماقصروا في مساعده بعضهم والتطوير والافكار الخياليه اللي طلعت اللي وايد استفدنا منها
عموما بما اني غبت يومين قلت لازم اييب شي حلو لاعضاء المنتدى ماشالله عليهم وعلى تفكيرهم ورؤيتهم فبعطيكم بعض من المشاريع اللي سويتها وبعضهم مجربين وبعضهم توني فكرت فيهم وان شالله الكل يستفيد منهم
الحلو فيهم ان بعضهم بدون راس مال والبعض الثاني براس مال صغير وايد وارباحه كبيره …
سمحوا لي على الاطاله بالمقدمه بس ان صار لي يومين ماكانت لي مشاركات تذكر فحبيت اعوض الحين
ولاتقولون لي صعب لاني شخصيا مجرب هالموضوع اكثر من مره ولو اني مادخلت لكم بالتفاصيل بنوع الجوايز وطريقة تقديمها وتسويقها اللي خلت عليها هالاقبال من الجمهور
عموماا احس اني وايد كتبت كلام هني فبكتب فكره ثانيه في الرد عشان لاتصير زحمه والاعضاء يضيعون
وبالتوفيق ان شالله واتمنى ان احد يطبق هالفكره لان بيربح منها بدون تعب وبدون راس مال
يمكنكم مشاهدة الكثير من المواضيع عن مشاريع صغيرة مربحة على هذا الرابط:
مرحبا اخوي ابو احمد وتسلم الله يسلمك والابداع منكم ماشالله على جميع الاعضاء وابداعهم في تفكيرهم التجاري في كل المشاريع وكلنا ان شالله نحاول نوصل لشي كلنا نستفيد منه
بخصوص اسئلتك الله يسلمك
شركة الاعلان مثل ماقلت من شوي ان تلقاها بالبحث وبتلقاها ان شالله لكن انصح ان تكون شركه جديده والشركه اللي اتعامل معاها من البحرين ومتاكد ان في غيرها اهم شي ان تكون عندك فكره ناجحه ومدرسه وتعرف تسوقها صح بتشوف ان شالله الاقبال من الشركات الاعلانيه بس في حال مالقيت نفس ماقلت تكلف عمرك شوي باعلان بنفسك
وشركات الاعلان عموما ماراح تدفع اعلان غالي وبتكاليف كثيره على اساس النسبه لو شكان المشروع لان بعد بتخاف على روحها فحاول ان تكون اعلانتك ماتكلف وايد وتكون تعرف وين تبيها عشان يكون الموضوع بالنسبه لهم جاهز ويستاهل الدخول فيه …
طريقة حجز الرقم من الاتصالات : ان الله يسلمك تكلم شركه من شركات القيمه المضافه والوصل لهم سهل تقدر تدخل على موقع هيئة تنظيم الاتصالات وتشوف اساميهم كلهم وتكلمهم نفس ماسويت انا او تشوف الشركات اللي تقدم هالخدمات وكلمهم مثل شركة كول العالميه
وتقدر تعرف المسجات اللي وصلوا انك تتابع مع الشركه وتشوف المسجات ويعطونك لسته يوميه بكل المسجات اللي وصلوا وهذا شي اساسي لاتخليهم يتحكمون بالموضوع وبعدين يقولون لك ماوصل شي لازم من توقع معاهم يكون هالبند واضح
سعر المسج الله يسلمك يكون عاده خمس دراهم نصها تاخذها الشركه الام اللي هي اتصالات بالامارات ونصها الثاني اللي تاخذها انت وتوزع النسب منها
ان شالله اكون وضحت لك الصوره ولأي استفسار اسال ولا يهمك
وبالتوفيق ان شالله
كفيت ووفيت الله يعطيك العافيه
تحياتي
بو احمد
السلام عليكم ورحمة الله وبركاته
اتصلت اليوم على امارات كول وقلت لهم عندي مسابقة ابا اعرضها عن طريق امارات كول بس كنت استفسر اذا اقدر ولا لا فتخبرني هو اذا كنت عن طريق شركه او فردي
وماشي حجزلي باجر موعد عقب الظهر في مقر الشركه
وانا كنت بس داق استفسر واتكلم هل اني اقدر اعرض مسابقه عن طرقكم وحجزولي موعد
وافكر لو حد عنده فكره او طريقه او اي شي مثل افكار اخونا نايف يفيدني
هو تخبرني عن الجائزة وقلت له اني ماحددتها بعدني وابصراحه i have no idea
^______________^
مرحبابك اخويه نايف ..من طول الغيبات ياب الغنايم
ما شالله عليييييييييييييك مبدع بمعنى الكلمه.. والمشاريع رهييييييييبه جمعت عليها بعض الافكار
وفي انتظار المشاريع الباقيه
الامارات كووول عندهم خدمة المسجات
اخوي نايف دائما جديدك مبدع
وتتحفنا بافكارك القيمه اتمنى لك دوام الصحه والعافيه ولا يحرمنا طلتك البهيه
تسلم اخوي القناص على مرورك وتعليقك ومشاركاتك الطيبه
وتسلم بعد على تشجعيك ولاتحرمنا من تعليقاتك وخبراتك الواسعه وتشجيعك والمتواصل
بارك الله فيك اخوي الغالي