السلام عليكم ورحمة الله وبركاته
سيداتي سادتي ( حلوه صح يعني ان اجتماع هاليومين كله اسمع يقولونها في الاجتماعات مع ان احيان الاجتماع مافيه سيدات يكون كله ساده ) ادري مب وقته بس سمحوا لي من تعب الاجتماعات ايي اسولف معاكم هني
عموما انا هاليومين غبت عنكم يومين وماتابعت المنتدى بس البركه في باقي الاخووات والاخوان اللي ماقصروا في مساعده بعضهم والتطوير والافكار الخياليه اللي طلعت اللي وايد استفدنا منها
عموما بما اني غبت يومين قلت لازم اييب شي حلو لاعضاء المنتدى ماشالله عليهم وعلى تفكيرهم ورؤيتهم فبعطيكم بعض من المشاريع اللي سويتها وبعضهم مجربين وبعضهم توني فكرت فيهم وان شالله الكل يستفيد منهم
الحلو فيهم ان بعضهم بدون راس مال والبعض الثاني براس مال صغير وايد وارباحه كبيره …
سمحوا لي على الاطاله بالمقدمه بس ان صار لي يومين ماكانت لي مشاركات تذكر فحبيت اعوض الحين
ولاتقولون لي صعب لاني شخصيا مجرب هالموضوع اكثر من مره ولو اني مادخلت لكم بالتفاصيل بنوع الجوايز وطريقة تقديمها وتسويقها اللي خلت عليها هالاقبال من الجمهور
عموماا احس اني وايد كتبت كلام هني فبكتب فكره ثانيه في الرد عشان لاتصير زحمه والاعضاء يضيعون
وبالتوفيق ان شالله واتمنى ان احد يطبق هالفكره لان بيربح منها بدون تعب وبدون راس مال
يمكنكم مشاهدة الكثير من المواضيع عن مشاريع صغيرة مربحة على هذا الرابط:
السلام عليكم ورحمة الله وبركاته
أحبتي في الله فكرة حلوة ودخل ممتاز ولكن ياريت تستفسرون عن هذا الموضوع من ناحية شرعية يعني هل هو من المباحات بالشريعة ومايدخل ضمن الميسر عشان يكون الواحد مطمئن القلب وهو يباشر هالنوع من التجارة.
وجزاك الله خير يا أخ نايف
عليكم السلام ورحمة الله اخوي خالد
شكرا على اهتمامك وبخصوص الناحيه الشرعيه للمشروع والله يفضل ان نسال عنه اكثر وياليت لو احد من الاخوان يقدر يفيدنا بفتوى عشان بعد نكون مطمنين اكثر
وتسلم اخوي على اهتمامك وماقصرت على تنبيهك وبالتوفيق ان شالله
الاخ الفاضل نايف والاخوة جميعا
تقبلوا اطيب التحيات اولا واشكر الاخ نايف على حرصه وحب الخير لاخوانه
لكن لدي تساؤل مهم بخصوص المشروع الاول الذي تم عرضه وهو المسابقات والمسجات
التساؤل يتعلق بالحكم الشرعي في مثل هذه المسابقات
هل سألنا انفسنا او اصحاب الاختصاص عن شرعيتها ؟؟؟ هل هي جائزة ام انها حرام
انا لن أفتي لكني اطلب من الجميع ان يتحرى الحلال ويبتعد عن الحرام
اسال الله لكم رزقا حلالا بعيدا عن كل انواع الحرام
من يستطيع ان يأتينا بالفتوى فجزاه الله خيرا
ماقدرت اروح مؤسسة امارات كول لاسباب …فاعتذر لاني ما يبت معلومات
والبارحه اتصلت ع البداله وخذت رقم اذاعة بوظبي واتصلت عليهم وقلت اني ابا انظم مسابقه حولي ع ريال وتميت معلق ع الخط فوق 10 دقايق وعقب عطاني رقم مكتبه ومكتب واحد ثاني واتصلت وحرقت التليلفون حراق بس ماحد رد وان شاءالله بتصل يوم الاحد واذا صار شي يديد بخبركم
الى الان يالس استفسر مب اني خلاص عرفت طريقه ووبسرقها عن الكل ان شاءالله اول باول اذا حصل شي بسرده اهني في هالموضوع وبخبركم عن الطرق لي توصلت اليها واذا قدر الله واجتمعت مع حد سوا امارات كول اول الاف ام بخبركم بكل شي بيصير بينه من اسعار او اتفاق وا ماشابه وان شاءالله خير
واشكرك ياخوي نايف على كلامك الجميل والله انك انسان كبير بثقافتك ومعلوماتك وبصفاتك والله يوفقك في كل خطوه تخطوها
صح اني تلاقيت معاك لفترة بسيطه يوم ولا يومين بس الشخص قد تفسره وتعرفه من لحظة وانت غني عن التعريف مب بس بشهادتي انا بشهادت كل اعضاء المنتدى واتمنى انك دوم تكون في الامام وتمشي الى الامام وربي يكون معك دوم ان شاءالله
^__^
السلام عليكم ورحمة الله وبركاته
أحبتي في الله فكرة حلوة ودخل ممتاز ولكن ياريت تستفسرون عن هذا الموضوع من ناحية شرعية يعني هل هو من المباحات بالشريعة ومايدخل ضمن الميسر عشان يكون الواحد مطمئن القلب وهو يباشر هالنوع من التجارة.
وجزاك الله خير يا أخ نايف
مـــــــــا شــــاء الله عــلــيــك يــــا نــــــــــــيــــــــــوف أفــــــــكــارك حــــــــــلــــــــــــوه وفــــــي بــــــالـــــــي شــــغـــلات أبــــغــــــي أســـويـــهـــــا وطـــبــعــا يـــبــــغـــيـــلـــهـــا دراســــــــــــة تـــمــام تــمــــــام ويــــوم بــــشـــوف نــفــــســـــي خـــلــــصــــت مـــنــهـــا بــخـــبـــرك عـــنــــهــــا أخــــــــوي وبــيــكـــــون بــيـــنـــي وبــيـــنــك تـــعـــاون انــشـــــاء الله بــس لا تــنــســـانـــــــا
هلا اختي سلوى وهلااا بانضمامج معاناا وشي حلو ان عندج افكار حلوه وترى عشان افكارج افااا عليج مو بس انا معاج الا كلناا معااج بعد
وان شالله شوفي اللي يبي لج من دراسه او تخطيط ومالج الا كل طيب خاطر…
وان شالله يكون بينا تعاون وافاا عليج عمرنا ماننسى احد ونحب ان يكون بينا تعاون وبين الكل اختي سلوى وبانتظار كل افكارج وكل مشاريعج 🙂
وبالتوفيق ان شالله اختي