مرحبا
انا ويا ربيعتي مسوية مشروع تجاري لتوريد اجهزة تنقية الهواء من الغازات والاتربة تدوم فترة طويلة بدون ماتحتاج تغيير فلتر …وممكن يستخدم في اي مكان سواء منازل او اماكن عمل او فصول مدارس او صالات انتظار في الشركات والفنادق وغيرها .. ومخلصة التعاقد مع الشركة الموردة ومخلصة كل شي باقي التوريد والبداية
لكن عندي مشكلة التسويق لان ماعندي خبرة فيه فمب عارفة كيف ابدأ فيه
فياليت الي عنده خبرة في هالشي يخبرني شو الانسب وشو الطريقة الانسب للتسويق للشركات والفنادق والدواير الحكومية وهل التسويق المباشر افضل ام ارسال البروشرات ام الاتصال وشو ناقصني — بصراحة احترت وهالنقطة كانت غايبة عن بالي لكن تفاجأت فيها الحين
كنت افكر احط مدير تسويق لكن تفاجات بالرواتب العالية الي يطلبونها والي طبعا الميزانية ماتسمح فيه فقررت اكتفي بالمندوبين وانا الي احط خطة التسويق وانفذها
الي يقدر يساعدني وعنده فكرة عن التسويق لهالنوع من المنتجات او عنده خطة تسويقية تناسب ياريت يخبرني وجزاكم الله خير..
لو تبين رايي ان اشوف ان الواحد لازم يروح بنفسه في البداية عشانه هو اكثر واحد يعرف عن المنتج و كيف يقنع الناس .. و بيعرف شو المشاكل الي ممكن تواجه المندوبين.
لازم تكون عندج خطة عمل .. ما ينفع كل مندوب يروح على كيفه ..ممكن كلكم تيلسون و تخططون شو الشركات المستهدفة و بعدين هم ينفذون و لكن انتي الاساس من حيث خطة العمل.
مرة ثانية اذكرج في عضوية المؤسسة .. مرات الشركات او الفنادق تطلب من اعضاء المؤسسة بعض حاجياتها .. يعني الفندق ايي و يقولج ابا كذا و كذا شو ممكن توفرين لي .. و يبدأ النقاش بين الطرفين وقتها..
انصحج تزورين هالمدونة لان فيها خير وايد:
ظ…ط¯ظˆظ†ط© ط´ط¨ط§ظٹظƒ
مشكورة اخوي على مساعدتك
الجهاز بيكون تسويقه تجاري مب شخصي
يعني زبايني بيكونون شركات تجارية وفنادق و وزارات ودواير حكومية
في رايك شو افضل جنسية للمندوب لمثل هالنوع من المنتجات
وكم اعمارهم
وكم رواتبهم والعمولة؟
وشو انسب طريقة للتعامل معهم
وهل اخليهم روحهم يسيرون يدورون على زباين ولا احدد لهم زباينهم؟
جزاك الله خير
مشكورة اخوي عالنصيحة
لكن في رايك شو انسب وسيلة اعلانية او شو انسب جريدة وفي نفس الوقت ماتكلف كثير وتؤدي الغرض علما ان زبايني اكثر شي بيكونو شركات ودواير حكومية
اول شي اختي لازم تعرفين
– هل الجهاز للإستخدام الشخصي ولا التجاري
اذا كان للاستخدام الشخصي فركزي على البيع للافراد في المراكز التجاريه كارفور مثلا
اما اذا كان للاستخدام التجاري مافي داعي تسويين دعايه ولا غيره تحتاجين مندوبيين وتحطين لهم تارجت معين في الشهر
البيع للافراد اسهل بوايد خصوصا وانه التدخين صار ممنوع في اغلب الاماكن وإلي يحتاج مثل هالجهاز شخص يدخن في البيت او شخص عنده ضيق التنفس فأتمنى انه الجهاز يكون للاستخدام الشخصي بيكون التسويق اسهل اما الشركات فاتحتاج تحط ميزانيه لمشترياتها
بالتوفيق