مرحبا
انا ويا ربيعتي مسوية مشروع تجاري لتوريد اجهزة تنقية الهواء من الغازات والاتربة تدوم فترة طويلة بدون ماتحتاج تغيير فلتر …وممكن يستخدم في اي مكان سواء منازل او اماكن عمل او فصول مدارس او صالات انتظار في الشركات والفنادق وغيرها .. ومخلصة التعاقد مع الشركة الموردة ومخلصة كل شي باقي التوريد والبداية
لكن عندي مشكلة التسويق لان ماعندي خبرة فيه فمب عارفة كيف ابدأ فيه
فياليت الي عنده خبرة في هالشي يخبرني شو الانسب وشو الطريقة الانسب للتسويق للشركات والفنادق والدواير الحكومية وهل التسويق المباشر افضل ام ارسال البروشرات ام الاتصال وشو ناقصني — بصراحة احترت وهالنقطة كانت غايبة عن بالي لكن تفاجأت فيها الحين
كنت افكر احط مدير تسويق لكن تفاجات بالرواتب العالية الي يطلبونها والي طبعا الميزانية ماتسمح فيه فقررت اكتفي بالمندوبين وانا الي احط خطة التسويق وانفذها
الي يقدر يساعدني وعنده فكرة عن التسويق لهالنوع من المنتجات او عنده خطة تسويقية تناسب ياريت يخبرني وجزاكم الله خير..
ومن جهتي كوني متخصص في التصميم والإعلان
أنصحج بعمل تسويق إعلاني قبل التسويق المباشر !
الناس يوم تشوف الإعلانات والدعاية وبعدها تلاقي المندوب عندها تكون فكرتها متية وقوية بخصوص هذه المنتج وهذا يرفع من الطلب عليه
الدعاية في ها الوقت من الزمن سلاح كبير جدا وهذا من خبرتي الملموسه أقولها لج
والله يوفقج يارب
هلا
بالعكس في شركات قائمة من زمان و اصبحوا اعضاء في المؤسسة .. يعني مب شرط ان اعضاء المؤسسة هم بالضرورة شركات جديدة..
بالنسبة للتسجيل .. هو طبعاً مب نفس اجراءات اعطاء التمويل .. و لكن لهم بعض المتطلبات الي لازم تتوضح منها دراسة المشروع و فكرته و تميزه ( مب شرط يكون مميز جداً لان في شركات مقاولات مثلاً اعضاء في المؤسسة) و توقعات الارباح و خطة عامة و غيره.
يعني باختصار يبغون يتأكدون ان الشخص المقدم للطلب فعلاً جاد في الموضوع و داش مجال ممكن ينجح… مب واحد طالع من الاعدادية و يبا تمويل عشان يفتح سوبرماركت!
الموضوع مب معقد بس يحتاج شوي شغل عن الدراسة و الشغل بشكل عام.. اتصلي فيهم و خذي موعد و ان شاء الله خير.
مشكور اخوي سيكيور ماقصرت معلومات مفيدة بصراحة شجعتني اشترك في مؤسسة دعم الشباب .. مع اني سامعة قبل ان الشركات الي تشترك فيها تكون باقي الشركات ماخذة عنها سمعة او فكرة انهم مبتدئين ويداد وماعندهم فكرة عن الشغل … لكن كلامك غير
افهم من كلامك انك مشترك في المؤسسة ولاحظت فرق ..
بس بغيت اسالك الاشتراك في برنامج المشتريات الحكومية لمشروع قائم يحتاج موافقة وشغلة طويلة نفس يوم تسير عندهم تطلب قرض لمشروع يديد ولا سهل ومايباله دراسة وموافقة ..
وشكرا
اذا كنتي من دبي .. انصحج تسجلين في برنامج المشتريات الحكومية في مؤسسة محمد بن راشد لدعم مشاريع الشباب ..
بتستفيدين من ناحيتين:
1. بتكونين عضوة في المؤسسة .. و بيعطونج مثل شعار للعضوية تقدرين تستخدمينه في اوراقج الرسمية مثلاً … لما تكلمين الشركات او المؤسسات سواء الحكومية او الخاصة بيكون الوضع مختلف كلياً مقارنة مع شركة ما يعرفون عنها شي .. حتى الشركات الخاصة تقّدر هذه العضوية و يستقبلونج استقبال مختلف في العادة (يعتمد على حسب الشركة).
2. من خلال برنامج المشتريات الحكومية ممكن الجهات الحكومية تشتري منج هالشي اذا كان عليه طلب من صوبهم .. يعني الموضوع اسهل من هذا الجانب.
انصحج بعد بالتالي:
ييبي ورقة و قلم و:
1. حددي القطاعات المستهدفة (مدارس .. دوائر حكومية .. شركات خاصة .. فنادق ..الخ)
2. اكتبي اسامي الشركات المستهدفة تحت كل قطاع .. يعني المدرسة الفلانية او الفندق الفلاني ..
3. اتصلي في قسم المشتريات لأخذ موعد .. عطيهم مختصر للمنتج و خليهم يتحمسون انهم ياخذون موعد وياج .. لان مليون واحد اييهم و شبعانين من هالجانب ..لازم شي يغريهم عشان يتحمسون .. و اذا خذتي عضوية المؤسسة .. قولي انج فلانة الفلاني من الشركة الفلانية و عضوة في مؤسسة محمد بن راشد لدعم مشاريع الشباب .. (والله الوضع يختلف!)
4. زوريهم و عطيهم عرض عن المنتج هذا و اشرحي فوايده و كيف هو افضل من غيره و سعره و الخ .. في ناس بيوافقون من اول مرة .. في ناس بيقولون لازم نراجع المدير .. و في ناس بيرفضون .. في كل الحالات انتي لازم تجهزين بروشورات او عرض تقديمي مكتوب في ورقة مطبوعة بشكل احترافي عشان تخلين نسخة عندهم لمعرفة التفاصيل (خصوصاً لما يراجعون ويا المدير)
5. اسئليهم متى بيردون عليج خبر؟ كم يوم؟
6. اتصلي فيهم بعد الفترة المحددة لمراجعة الوضع.
7. الف مبروك على البيعة
موفقة ان شاء الله
مرحبا
مرحبتين
انا ويا ربيعتي مسوية مشروع تجاري لتوريد اجهزة تنقية الهواء من الغازات والاتربة تدوم فترة طويلة بدون ماتحتاج تغيير فلتر …وممكن يستخدم في اي مكان سواء منازل او اماكن عمل او فصول مدارس او صالات انتظار في الشركات والفنادق وغيرها .. ومخلصة التعاقد مع الشركة الموردة ومخلصة كل شي باقي التوريد والبداية
منتج جميل وعسى ان يلاقي رواجا عند المستفيدين منه
لكن عندي مشكلة التسويق لان ماعندي خبرة فيه فمب عارفة كيف ابدأ فيه
التسويق بحد ذاته مشروع مستقل وعلم يختص به
فياليت الي عنده خبرة في هالشي يخبرني شو الانسب وشو الطريقة الانسب للتسويق للشركات والفنادق والدواير الحكومية وهل التسويق المباشر افضل ام ارسال البروشرات ام الاتصال وشو ناقصني — بصراحة احترت وهالنقطة كانت غايبة عن بالي لكن تفاجأت فيها الحين
أختي الفاضله
المفروض هذي النقطة تفكري فيها وتناقشيها وتحلي معضلتها قبل لا تسويي اي شي لأن إنت اصلا تبين تعرضين منتج معين للزبائن وتبين تسوقينه فكيف بتسوقينه وانتي ليست عندك خطة عمل
ولكن اقترح علك مايلي
1- تحطي قائمة بالمنشآت التي يمكن ان تستفيد من هذا المنتج
2- تقسمي هذه المنشآت إلى مجموعات وتدرسي كل مجموعه منفصله
3- تختاري أنسب طريقة لعرض المنتج لكل مجموعة في مجموعات لازم تروحين او تطرشين مندوبك عندهم يوريهم البضاعة ويشرح لهم فكرتها والتقنية غلي فيها واهم حاجة يبين بشو بتفيدهم هاي التقنية إلي إنتي جايبه لهم وليش منتجك غنتي افضل عن المنتجات الأخرى المنافسه في السوق
4- تكون عندك خطة عمل دقيقة
5- بالنسبة للفنادق لو غن هذا المنتج ينفع لها اقترح لك بشكل خاص تاخذين موعد مع مدير الفندق او المسؤول عن التوريد عندهم وتعطيهم شرح مفصل عن المنتج
6- البروشرات والهدايا مهمه جدا
يعني تحطي بروشر بالمواصفات والصور وغيرها بشكل أنيق جدا وعملي في نفس الوقت
تحطي أقلام مكتوب عليها اسم الشركه وتوزعيها
أو حتى ميداليات وما شابه ذالك
كنت افكر احط مدير تسويق لكن تفاجات بالرواتب العالية الي يطلبونها والي طبعا الميزانية ماتسمح فيه فقررت اكتفي بالمندوبين وانا الي احط خطة التسويق وانفذها
في البداية ما شرط تحطين مدير تسويق ولكن الافضل تشوفي مدير تسويق يفيدك في البارت تايم ماله وياخذ اتعابه او شركة تسويق يمكن تفيدك بس أتوقع السعر بيطلع غالي عليك
الي يقدر يساعدني وعنده فكرة عن التسويق لهالنوع من المنتجات او عنده خطة تسويقية تناسب ياريت يخبرني وجزاكم الله خير
هذا أنا قلت إلي أستطيعه وحاضرين لأي مساعده