مرحبا شباب سوري اول شي لان الموضوع بيكون طويل بس لازم تقرونه عسبت تعم الفايده واللي يقرا الموضوع بعد ينشره بين اهله عسبت الخير يعم*
الموضوع يخص مصرف ابوظبي الاسلامي وطريقته للتمويل وطريقته السياسية لجذب العملاء وبرامجه الاسلاميه اللي الكل يبي يتجه لها عسبت مايدخل فالحرام والربا*
المهم واحد من الربع ماخذ تمويل 700 الف درهم وبفايده 7 بالمية يعني 49000 سنويا*
على 13 سنه وبتطلع عليه المرابحه 597258 درهم
ويدفع اقساط شهريه 8348 درهم ودافع لحد الان 15 شهر يعني 125220 درهم*
ويوم راح للبنك يبي يدفع السداد المبكر يتفاجا بانه يدفع مبلغ وقدره 840 الفد درهم وهو المبلغ اللي خذه من عندهم 700 االف درهم يعني 840 *ناقص 700 = 140 زايد 125 الف اللي دفعهم في 15 قسط بيطلع دافع فوايد للبنك 265الف *درهم فسنه وربع*
المصرف يحسب المرابحه بطريقة خاصه له والمركزي لا يحاسب ولا يراقب اللي هي 700 زايد 597258 =1300000 درهم*
بعدين ينقص اللي انت دفعته اللي هو 1300000 ناقص 125220 = 1174780 درهم*
بعدها المصرف ينقص من المبلغ المتبقي واللي قدره 1174780 – 700000مبلغ التمويل =474780 درهم*
ويقولك بناخذ من المبلغ 30 بالميه يعني =142434
واجمع 700 الف مع 142434 بيطلع 840000 درهم تقريبا
يعني *ربيعي اللي دفعه فسنه وربع راح للمرابحه 100 بالميه*
والمفروض المرابحه تنحسب بهذي الطريقة اللي وهي
القسط الشهري 8348 درهم ضرب 12 شهربيطلع الناتج 100176سنويا*
يتم تنقيص 49000 درهم للمرابحه اللي متفق عليها و 51176 لمبلغ التمويل
ويوم واجهة مدير فرع لمصرف ابوظبي وقتله عن الموضوع سكت وقالي بكلمك بالتلفون وخذ رقمي وما اتصل وقتله لو *الريال دفع لمدة اربع سنوات وياكم يبي يدفع سداد مبكر بتقوله ادفع 700 الف صح كلامي ول لا لان البنك ياخذ فوايده 100 بالميه ومارام يتكلم يوم قتله انابحط موضوع فالانترنت وفالجرايد انبه المواطنين من طريقة حسابكم للتمويل قالي لا مايحتاي وقالس ارجعله بعد كم يوم * *
ومارجعتله يعني المصرف اذا تبي تطلع من عنده او تسدد سداد مبكر ياخذ فوايد5 سنوات جدام
وين دور المصرف المركزي*
وحسبتها مع بنك ربوي 700 بفايده 11 بالميه بتطلع الفايده 77000 درهم والقسط 8348 درهم بيطلع مجموع الاقساط فسنه 100000 درهم تقريبا – 77000 الفوايد =23000 درهم بتروح للقرض
700000-23000 =677000 درهم
المبلغ المتبقي
واذا تبي تسدد القرض بعد مرور سنه تدفع 3 بالمينة من المبلغ المتبقي واللي هو20310 درهم*
المجموع 697310 درهم*
يعني البنك الربوي افضل من الاسلامي اللي مدعي *انه اسلامي
المفروض يتدخل المصرف المركزي لايقاف هذه المهزلة وحماية العميل وخاصه الشواب وحليلهم على طول يوقعون. شكرا اخي جزراوي على النصيحة .
أنا خذت سيارة من المصرف على أساس إن السداد يكون لمدة 5 سنوات
بعد سنتين ونص سرت بسدد المبلغ المتبقي كامل
سألتهم : كم بتنقصون من الفوائد ؟
قالوا لي : ولاااااااااا درهم
الظاهر إنهم فعلاً ياخذون فوائدهم في أول سنتين والباقي هو المبلغ اللي إنت خذته
لكن نرجع لنفس السؤال
ما هو البديل ؟؟
مصرف ابوظبي الاسلامي فاحت ريحته كثير وزكمت الانوف من كل النواحي سواء مع المتعاملين او الموظفين في تعاملاته . الله يستر من الجاي
صح للاسف انه ماعندكم شي ايلامي بس انا اقولج ان الحمدلله انه ماعندكم*
وللاسف ان اللي عندنا اسم اسلامي فقط لا غير*
اقرب مثال برنامج الخير اللي فمصرف ابوظبي الاسلامي*
يقولج انه بيشتري اللون اللي عندج من بنك ربوبي وبتحول اسلامي كيف هذي الطريقه اللي بتخلي هالشي اسلامي*
مثال واحد عليه 500 وجاه مندوب من ابوظبي الاسلامي وقال هالشي والمسكين مايعرف يحسب ووقع بيتفاجا ان تغير من بنك لبنك 5 بالميه و 1و75 بالميه تامين يعني 7 بالمبيه تقريبابيطلع 535000 درهم مصرف ابوظبي الاسلامي بيدفع للبنك الربوي والبنك بيقوله بنعطيك تمويل اسهم طبعا هذا تمويل ثاني لان لو زادك على مبلغ على تمويل الخير بيطلع قرض ربوي 100 بالميه * وانت المسكين مستانس واونه حلال بس بالاساس هذا حرام وربوبي كيف *مصرف يشتري فلوس بس انا بخبركم لييش المصرف سوا هذي الحركه لان الناس *عليها قروض وطبعا كيف بيقولهم تعالوا بالحلال
وبعدين بيعطيهم *تمويل اسهم وهذا الشي الوحيد بيكون اسلامي بس برنامج الخير بالاساس هو قرض *ربويي
حبيت اوجه نقطه اللي يبي قرض اكثر من 500 الف درهم احسن له يبتعد عن البنوك اللي مدعيه انها اسلاميه لانك لو ييت بعد فتره بتسدد او لا سمح الله صارك ضرف وتبي تغير لبنك*
البنك الاسلامي ياخذ فوايده كلها اللي متفق عليها ويقول اذا بتدفع كاش بنقصلك غير جي لا*
يعني بيذبحك بيذبحك وبيخلبك تزيذ التمويل من عنده لانك لو طلعت من عنده بتدفع 50 بالميه من المبلغ اللي بيعطيك له البنك الثاني للمصرف و فهذي الطريقه بتنجبر انك ماتطلع وبيعطيك تمويل ثاني مثل تمويل *للاثاث او غيره*
ومابتقدر تطلع يعني المفروض المصرق المركزي يدخل ويمنع ان البنك ياخذ ارباح السنوات القادمه ويتم دفع المبلغ المتبقي واذا العميل ماحب يطلع او يسكر اللون طبعا بيدفع المرابحه كل سنه بسنتها والعميل في هذا الوقت ماله اي حق او شي ثاني