مرحبا شباب الكل يدخل موضوع خطير عن مصرف ابوظبي الاسلامي

49 thoughts on “مرحبا شباب الكل يدخل موضوع خطير عن مصرف ابوظبي الاسلامي”

1. للاسف احنا بالمغرب ماعندنا كلش بنوك اسلامية وماعرف كيف تعاملتها الي في بنوك مغربية وفرنسية وهاديلا طبعا كلها ياخدون فادة وتكون واضحة من الاول علشان كلشئ يصير جدام عينك
   طبعا في مؤسسات محمد السادس حق التعليم وبعض القطاعات الدولة متلا ادا الواحد يبي قرض ياخده بنسبة فائدة تكون اقل من غيرهم ب2 بالمية وهالشئ وايد حلو
   ماادري ادا عندكم بالامارات بس كتشجيع للموظفين اللي ظهرهم انكسر بالقروض والفوائد

2. ذا انت كنت متفق على مرابحه 49000 فالسنه اللي هي 7 بالميه وتتفاجا بان المبلغ اللي دفعته 100000 راح للمرابحه ووقرض مانقص شوووو الحل*
   اوكي ربيعي غلط مع هذا البنك والله يعنه بس مابيسكت عن حقة*
   بس انا فتحة الموضوع عسبت الكل يعرف وتعم الفايده ان بنك ابوظبي الاسلامي ياخذ فايده فاول 4 سنوات 100 بالمسه والمركزي ساكت ليييش مايحموا العميل*
   يعني انت لو رحت لبنك ربوي مابيخذ منك اكثر من المبلغ اللي خذته من عنده
   بس ابوظبي الاسلامي لابياخذ وبيذبحك بعد
   انت لو بتحسبها فهالطريقه مصرف ابوظبي الاسلامي ماخذ 40 بالمية ربح فيسنه وربع يعني اخس من الكرد كارد

3. مرحبا شباب سوري اول شي لان الموضوع بيكون طويل بس لازم تقرونه عسبت تعم الفايده واللي يقرا الموضوع بعد ينشره بين اهله عسبت الخير يعم*

   الموضوع يخص مصرف ابوظبي الاسلامي وطريقته للتمويل وطريقته السياسية لجذب العملاء وبرامجه الاسلاميه اللي الكل يبي يتجه لها عسبت مايدخل فالحرام والربا*

   المهم واحد من الربع ماخذ تمويل 700 الف درهم وبفايده 7 بالمية يعني 49000 سنويا*
   على 13 سنه وبتطلع عليه المرابحه 597258 درهم
   ويدفع اقساط شهريه 8348 درهم ودافع لحد الان 15 شهر يعني 125220 درهم*
   ويوم راح للبنك يبي يدفع السداد المبكر يتفاجا بانه يدفع مبلغ وقدره 840 الفد درهم وهو المبلغ اللي خذه من عندهم 700 االف درهم يعني 840 *ناقص 700 = 140 زايد 125 الف اللي دفعهم في 15 قسط بيطلع دافع فوايد للبنك 265الف *درهم فسنه وربع*

   المصرف يحسب المرابحه بطريقة خاصه له والمركزي لا يحاسب ولا يراقب اللي هي 700 زايد 597258 =1300000 درهم*
   بعدين ينقص اللي انت دفعته اللي هو 1300000 ناقص 125220 = 1174780 درهم*

   بعدها المصرف ينقص من المبلغ المتبقي واللي قدره 1174780 – 700000مبلغ التمويل =474780 درهم*

   ويقولك بناخذ من المبلغ 30 بالميه يعني =142434
   واجمع 700 الف مع 142434 بيطلع 840000 درهم تقريبا
   يعني *ربيعي اللي دفعه فسنه وربع راح للمرابحه 100 بالميه*
   والمفروض المرابحه تنحسب بهذي الطريقة اللي وهي
   القسط الشهري 8348 درهم ضرب 12 شهربيطلع الناتج 100176سنويا*
   يتم تنقيص 49000 درهم للمرابحه اللي متفق عليها و 51176 لمبلغ التمويل
   ويوم واجهة مدير فرع لمصرف ابوظبي وقتله عن الموضوع سكت وقالي بكلمك بالتلفون وخذ رقمي وما اتصل وقتله لو *الريال دفع لمدة اربع سنوات وياكم يبي يدفع سداد مبكر بتقوله ادفع 700 الف صح كلامي ول لا لان البنك ياخذ فوايده 100 بالميه ومارام يتكلم يوم قتله انابحط موضوع فالانترنت وفالجرايد انبه المواطنين من طريقة حسابكم للتمويل قالي لا مايحتاي وقالس ارجعله بعد كم يوم * *
   ومارجعتله يعني المصرف اذا تبي تطلع من عنده او تسدد سداد مبكر ياخذ فوايد5 سنوات جدام
   وين دور المصرف المركزي*

   وحسبتها مع بنك ربوي 700 بفايده 11 بالميه بتطلع الفايده 77000 درهم والقسط 8348 درهم بيطلع مجموع الاقساط فسنه 100000 درهم تقريبا – 77000 الفوايد =23000 درهم بتروح للقرض
   700000-23000 =677000 درهم
   المبلغ المتبقي
   واذا تبي تسدد القرض بعد مرور سنه تدفع 3 بالمينة من المبلغ المتبقي واللي هو20310 درهم*
   المجموع 697310 درهم*
   يعني البنك الربوي افضل من الاسلامي اللي مدعي *انه اسلامي

   بالتأكيد أفضل بكثير أخي العزيز
   لأن هذه البنوك تعتمد مبدأ الشفافية
   في التعاملات على عكس البنوك التي
   تدعي زوراً وبهتاناً انها إسلامية التي تعتمد
   الغش والتدليس في كافة تعاملاتها

   طريقة حساب الفوائد في البنوك النظيفة مثل
   البريطاني والاستاندارد والمشرق وغيرها
   هي بنظام الفائدة التناقصية
   أما البنوك التي تعتمد اللف والدوران
   والمسميات التي لاتمت لإسمها بأي صلة
   فهي بنظام الفائدة الثابتة
   وهي أشد ضرراً بكثير على المقترض

4. انا اشوف انهم حسبوها 7% متناقصه

   بمعنى انهم يقسمون القسط الشهري الى قسمين وكل منهما سوف يذهب الى الاول وهي المرابحه (فايدة البنك) والقسم الثاني الى المبلغ الفعلي اللي اخذه المقترض (المدين) ونسبة الاقتطاع من القسط الشهري تكون اكبر لصالح المرابحه في اول سنوات الدفع ومن ثم تتنازل تدريجيا مع مرور سنوات الدفع بواقع 7% متناقصه الى ان تصبح عكس ما بدأت بمعنى تكون نسبة الاقتطاع في أواخر السنوات المتبقيه لصالح المبلغ الفعلي الموأخوذ من قبل الشخص المدين

   مثال

   اذا المرابحه كانت 600000 درهم والمبلغ المأخوذ 700000

   فانهم سوق يقسمون القسط الى قسمين ؟!! اذا كان القسط على سبيل المثال 8500
   فسوف يكون كالتالي 250 +8250 =8500

   القسط الاول
   250 راح تنقص من المبلغ المأخوذ الفعلي يعني 700000 – 250 درهم =699750
   8250 راح ينقص من مبلغ المرابحه يعني 600000 – 8250 رهم = 591750
   القسط الثاني
   280 راح تنقص من المبلغ المأخوذ الاخير يعني 699750 – 280 = 699470
   8220 راح تنقص من مبلغ المرابحه الاخير يعني 591750 – 8220 = 583530

   وهكذا شهر ورا شهر بما يسمى بالفايده المتناقصه يعني انت في اول سنوات الدفع راح تدفع الحصه الاكبر من الفائد لصالحهم وبعدين بيي دورك يعني يوم بتستوي لحيتك بيضا انت بتخلص واذا دفعت لهم مثلا سنتين ومن بعدها حبيت انك تسكر الدين او بما يسمى السداد المبكر راح تفاجأ بانك خلال هالسنتين والفلوس اللي انت دفعتهم ولا كأنهم نقصن بتلاقى انك ما دفعت شي من مبلغ الدين وقتها بتحس انك انخدعت واذا راجعتهم راح يقولون لك اذا ما عاجبنك روح اشتكي المحكمه وفي المحكمه بيسألونك هل انت يا فلان قبل ما تاخذ القرض اطلعت على شروط وبنود القعد الموقع بينك وبين البنك (عاد وقتها انت راح تتذكر اليوم اللي كنت فيه في البنك تقدم على القرض مع الموظف اللي استقبلك كانك وزير والا شخص مهم vip وشخطك بكمين كلمه حلوه واللي حلف عليك ما تطلع من مكتبه الا ويطلب لك عصير فراوله مع الابتسامه الحلوه ويعطيك ذيك لوراق عشان توقع عليها وانت مغمض من دون ما تقراها ) لازم وكيف ما يدهن سيرك وهو له نسبه من القعد راح يصرفها له البنك في حسابه من ورا ظهرك …؟؟؟!!!

   كلمه اخيره ( مصائب المقترضين عند البنوك فوائد)

5. دخلت عالمدير ويلس يحسبلي عسبت يدوخني فالارقام وجي بس رديت عليه انا ادرس محاسبه*
   وقتله انتوا ارباحكم 49000 فالسنة وقتله انتوا ماخذين من الريال 100000 فالسنه الباجي وين حطيتوه
   ماعرف يرد

Comments are closed.