السلام عليكم
الحين انا عندي مخالفات سالك أكثر من 13 مخالفة
انا من بوظبي ومب مركب سالك على الموتر 
الحين طلعت المخالفات لسالك
سويت اعتراض على بعض منهن تم الرفض
وقبل شويه سويت على الباقي
ان تم الرفض بعد على الإعتراض شو الحل ؟؟؟
المشكله ما تقدر تكتب ليش إعتراضك اللهم بس تختار من اختياراتهم ولا وحده مناسبة لحالة موترنا
فاللي يعرف يخبرنا يسوي فينا خير
واللي يعرف كيف نجدد المواتر من دون ما ندفع مخالفات سالك بعد يخبرنا 
دمتم بود
ماعتقد ان شاء الله لأنة سالك محلي -خاص ب امارة دبي فقط ومالها خص باقي الامارات بهالشي ولا هية ملزومة تاخذ فلوس من الناس اللي باماراتها
اخوي مافي فايده لا تعترض ولا تعب عمرك
انا طول عمري احط سالك و طلع علي 128 مخالفه اعترضت و ردولي مال مخالفتين و تم رفض 126
و انا ساير هناك و مرمس كل اللي يداومون بعد
بس والله موب مقهور من مخالفات سالك كثر ما انا مقهور من ال 1280 درهم مال درهم المعرفه على كل مخالفه 10
الله يعينك……….توكل على الله و ادفع و الله يعوض عليك
قبل لاتسير دبي حاسب حسابك وتأكد من وجود رصيد فالسالك
الله يحفظك
انا عندي ارقام بوظبي بس بعد دفعنا !!
السيستم اليديد مافي رقم بوظبي ولا رقم المريخ
الكل يدفع
انا جددت السيارة من دون ما ادفع فلس وعلي مخالفات سالك
لان السيارة عليها ارقام بوظبي
فاذا موترك عليه ارقام بوظبي امورك طيبه