السلام عليكم
الحين انا عندي مخالفات سالك أكثر من 13 مخالفة
انا من بوظبي ومب مركب سالك على الموتر 
الحين طلعت المخالفات لسالك
سويت اعتراض على بعض منهن تم الرفض
وقبل شويه سويت على الباقي
ان تم الرفض بعد على الإعتراض شو الحل ؟؟؟
المشكله ما تقدر تكتب ليش إعتراضك اللهم بس تختار من اختياراتهم ولا وحده مناسبة لحالة موترنا
فاللي يعرف يخبرنا يسوي فينا خير
واللي يعرف كيف نجدد المواتر من دون ما ندفع مخالفات سالك بعد يخبرنا 
دمتم بود
انا ظهر عندي مخالفات سالك يمكن 4 مخالفات المهم ثلاثه منهم صحيحه ووحده خطأ لانه ماشي صوره
الواحد يتاكد من الصوره كنسلو وحده والثلاثه دفعتهم نصيحه تاكدو من الصور
لانه سالك قالو مشفر ينزل على رمزك المروري احيانا بالغلط والسموحه
انا على 9000 درهم من سنة ولن الحيم مادفعت
وخذت 3 سياير سجلتهن بأسمي اذا بترقم رقم بوظبي امورك طيبة
هممم بيقولولك مشكلتك محد قالك تمر ع البوابات بدون ماتركب سالك
انا مرتين سرت الشارجه من شارع الشيخ زايد ورديت بوظبي من نفس الشارع وكل مره خطفت ع 6 بوابات
وصلتني مخالفتين حق اليومين وهي 600 درهم لليوم (1200 لليومين)
مااروم اتظلم لاني انا الغلطاان هم شو ذنبهم
ولا بعد حلاته يوم دشيت الموقع قلت بجيك ع الصوره يمكن مب سيارتي بس ظهرت سيارتي والله مصورينها من ورا خخخخ
اخوي بامكانك تقدّم طلب الاعتراض .. وتاخذ رقمه .. ومن عقبها تتصل على مركز خدمة الاتصال عندهم 800salik = 80072545
وتعطيهم رقم الاعتراض وتتكلم معاهم عن شو المشكله وهم يقدرون يحدثون البيانات في الاعتراض وينظرون لمشكلتك مره ثانيه …
وتقدر تطلب منهم صور السياره المخالفه لو انت شاك ان سيارتك مش هي السياره المخالفه …
اتمنى اني قدرت افيدك ..
الله يعينك .. انا عليه اكثر عنك لول و شي ناس واصلين الـ 40 الف من ورى سالك !
مافي اي طريقة حكومة دبي عليك انك تدفع و بس .. لا اعتراض ولا نقاش
تحياتي و لا تضيع وقتك في السؤال فلوسك تشتري راحت راسك فيها