محتار بين جاكوار – لكزس – أو مرسيدس

14 thoughts on “محتار بين جاكوار – لكزس – أو مرسيدس”

1. والله الشباب ماقصرو وماخلوني ازيد على رمستهم شي

   انا عن نفسي اقولك مرسيدس وبس …. وافضل الـ e لان توه نازل و 4 – 5 سنين جدام ما بيتغير شكله

   شوفلك e300 .. هذي تكون 6 سلندر

   شوف وكاله المرسيدس يكون عندهم مستعملات مال التست درايف وباقل من سعر اليديده بوايد ..

   واهم شي الاستخارة

2. اذا تمشية و مشاوير خفيفة عليك بالمرسيدس

   من بين هالثلاث سيارات هو الاكثر هيبة و افضل سواقة فيهم

   اللكزس عملي لكن مثل ما قال اخونا ماله هيبة فالشارع ،، يعني حاله حال اي موتر

   و الجاكور عيبه في سعر البيع و قلة قطع غياره مقارنة بالمرسيدس و اللكزس

   موفق ان شاء الله

3. صدقوني الجاكورا عشره على عشره . اللي يجربه بيعرف . انا كديت اللي عندي كد وما اشتكيت من اي شي الحمد الله .

   وكنت أسافر فيه بعد . بس العيب اللي فيه يوم بتي اتبيع سعره داااااااااااااااااااااون . ومحد يشتريه ما ادري ليش ماخذين فكره سيئه

   عن ها الموتر . لو دخلت المعارض محد يوقفك . ويوم بتي اتبيع برع ويتحط اعلان يمكن واحد او اثنين يتصلون بك . مب شرات

   اللكزس مثلا او التويوتا يحرقون تلفونك . وسامحوني طولت عليكم

4. 
   اقولك اشرد عن الجاكوار هههههههههههههههه خراباته مصيبه ماينفع وان يت تبيعه طاح في جبدك بتشوف خلق الله كلهم مايبونه .. خذلك مرسدس سي 63 فيه تغيرات بسيطه اعتقد في موديل 2011 اذا مايهمك عليك بموديل 2008 وغيره للشكل اليديد اما اذا بتاخذ فئه الاقل ما انصحك فيه وتقدر تشوف بعد فئه e توه متغير الشكل خذلك 350 حليوه بس سي سبورت واللكزس ياباني مايتقارن بهم واللي مايطول العنب حامض عنه يقول المرسدس ماتتشكى من اعطال وتكده كد مايردك

   الحمدلله والصلاة والسلام على رسول الله وعلى آله وصحبه أجمعين
   موفق بإذن الله … لك مني أجمل تحية .

5. 460 انته والخير رباعه بأذن الله

Comments are closed.