السلام عليكم ورحمة الله
حاب آخذ موتر صالون وافضل ال 6 سلندر لأني عندي تاهو 8 سلندر
ومحتار بين الجاكوار اليديد شكله أوكيه لآكني ما جربت الجاكوار من قبل
وما ادري عن متانته وصيانته وقطع الغيار متوفره في السوق والآ احتكار الوكيل
المرسيدس بانوراما أو فئة السي وانا مجربنه من قبل وما عليه زود بس اشوف
ان اللكزس هو المرغوب وشو الأفضل من بين فئاته حد من أولآدي عنده ل س 300
بس انا أفكر اذا بآخذ ال 460 أشوفه أحسن وافخم .
ما أريده حق خطوط لأني عندي التاهو مخلنه حق الخطوط أريده حق بو ظبي وبس
تمشيه ومشاوير بسيطه .
جزاكم الله خير اللي عنده راي يشور علي حتى استفيد وأكون معلومات وافيه تساعدني
رمضان كريم
مشكورين اخواني وجزاكم الله كل خير
رمضان كريم عليكم
أخوي بحاول اعطيك فكره عن المواتر الثلاثه :
اللكزس سياره عمليه و فخمه و تكد و تروم تبيعها اي وقت … لكن جان تبا الصدق انته تعال شوفها فالشارع السياره ما لها هيبه شرات باقي السيايير الفخمه …. يعني ما توصل هيبتها شرات المرسيدس و الجاكور
المرسيدس سياره فخمه و ما عليها كلام و لها مكانها فالشارع وتفرض نفسها .. و سيرفس المرسيدس الي اعرفه الحين مسوين سيرفس كونتراكت و ضمان 5 سنوات يعني انشاء الله ما بتشكي من شي
الجاغور سياره فخمه و مريحه جدا و هي انعم و أريح سياره فالسواقه … و السياره قليله فالشارع .. ومثل ما تعرف حلاة السياره في ندرتها فالشارع … و السياره لها هيبتها فالشارع .. و بالنسبه للضمان ما اعرف كم سنه بالضبط … ولو شي سيرفس كونتراكت بترتاح ولو ما شي اشتري وريح راسك .. وعالعموم السيرفس يكلف 1800 تسويه كل 12.000 كيلو أو 6 شهور الي ايي أول طبعا تتبدل اشياء السيرفس ولو بتبدل السفايف تنحسب عليك … بس لو بتقارن جيمة سفايفها و غيره موب فرق وايد عن باقي السيايير … يعني على مشاويرك داخل بوظبي يمكن تسوي سيرفسين فالوكاله فالسنه
و السياره توه الشكل اليديد يعني بترتاح كم سنه جدام وبتاخذ حلاوة السياره
و صدقني الي يتعود عالجاغور ما يخليه و اسأل أخوك ^_^
بالنسبه للسعر بوم بتبيع معروف كل السيايير ايطيح سعرهن الحين لأن الأسعار مبالغ فيها حتى اللكزس .. لكن الجاغور اكثر شي يصيح سعره و بيعته اثقل من المرسيدس و اللكزس
ومثل ما قالك الريال سير الوكاله سوي تست درايف .. وجرب الموتر و المفروض الشكل اليديد نزل عندنا فالوكاله ….
الجاكور xj6 >>> xj8 >>> xjr … الأر الي هو السوبر شارج …. من رايي خذ الـ xj8 … المكينه مرتاحه و غير جيه عن تجربه تصرف اقل من السته و بصفه عامه الجاغور ما يصرف بترول
و ربي يوفقك الغالي
صراحة جكوار اليديد xj دماااااااااااااااااااااار
انصحك اتيربه سير الوكالة و خذ تست درايف
Jaguar UK – Jaguar International
انا عندي 460 وبعتة من يومين ما علية كلام سيارة عملية وطر . ال لكسز 460 ما تشكيت منها فيوم وأول سيارة أبيعها بدون ما أتشكى منها كنت أبدل سفايف ودرامات بألف عند دينا تريد وآيل أبدل برع فشيشة البترول 10,000 ونتهى الموضوع
قبل الـ 460 كان عندي مرسدس S 500 كانت صيانتة ذابحتني لني كنت أجيكة فالوكالة وغير عن هذا سويتبة حادث أحس من عقبة عفت الموتر ولا ما علية كلام.
السيارة بشكل عام ما يبالها دلع وايد سفايف ودرامات وآيل وروح.
واللحين ناوي آخذ مرسدس نفسيا ترتاح يوم تركب فيها وشعور ثاني بصراحة ودام مشاويرك خقيقة أكيد مرسدس وبدون
ونصيحة من آخ لأخوة لا تاخذ يديد خذ مستعمل المرسدس يدق سعرة على سبيل المثال CL 65 سنة 2008 سعرة مليون وشوي. الحين أحنا ف 2010 وسعرة 330 ألف وماشي 35 ألف .. يعني بأختصار فاليوم ينزل من سعرة ألف.
إذا بتاخذ مرسدس C كلاس خذة من الوكالة سعرة ممتاز
إذا S Class خذ 2007 او 2008 وحولة 2010 او 2011
إذا CL 2008 وصبر شوي وبينزل 2011 وحولة.
وخبرني إنتة من وين
وبقولك وين أتجيك المرسدس
فالأخير كل واحد يبدي راية وإنتة صاحب المال وإنتة لي بتدفع ويوم بتاخذ خذ شي عن قناعة ولا تخلي راي الناس تأثر فيك لا انا ولا غيري. شوف ميولك وشتر ع حسب رغباتك.
موفق
طبعا بدون نقاش ياخوي اللكزس ال اس 460توكل على الله
من وجه نظري.