السلام عليكم ورحمة الله وبركاته ..

شحالكم ياعرب الله ربكم الا ابخير .؟

ندخل في صلب الموضوع على طول ..

ياليت من أي حد له علاقة بالتزيين أو بالتعديل يبدي رأيه :

انا عندي استيشن اليديد 2009 لون ذهبي جي اكس آر 8 وناوي اغير فيه اشياء يعني اخليه مختلف عن غيره وخاطري أرتبه واعدله واللي له علاقه بالسوالف هذي يطرح لي فكرته عسب استفيد والكل يستفيد علماً اني من هل بوظبي يعني خاطري يكون المحل في بوظبي وضواحيها ويحط اسم المحل ورقمه واسعارهم عسب نتواصل وياهم ..

واتمنى من أي حد يحدر على الموضوع يضيف فكره من أفكاره في مايخص تزيين الموتر أو تعديله أو ترتيبه ..

وسامحووني على المغثه خوان شما : )

9 thoughts on “لمن يهمه أمر تعديل أو ترتيب السيارات”

  2. مرحبا ياخوي

    في عندك محل في بوظبي .. اسمه لورايدر .. حق تعديل السيارات

    عندهم تضبيط سستم الصوت وشاشات .. وجان تبا عندهم رنقات وكتاات ويسوولك البيبان ترتفع على فوق وسوالف ثانيه

    وهذا رقمهم
    024457788

    وموقعهم قبل نادي الجزيرة .. بس ما اعرف وين بالظبط .. انت اتصلهم وشوف

    في مان الله

  3. سوله جلاد أسود ميت (( بلاك مات ))

    ركبله أصطابات لكزس

    عشق الأصطابات إلي تحت في البمبر خلها نفس الضبابيات ..

    إذا الأسبير فوق أجلعة خله الحديد بس

    تواير 900 …. نزل الموتر شوي

    رنقات دخانيه

    هدرز .. فلتر

    وخبزك في الدهن بإذن الله ^_^

    أو تبا تخليه حالت الوكاله بس تعديل خفيف

    تواير 900 … لليتات لكزس

    عقش أصطابات البمبر إلي تحت خلهم ضبابيات

    نزل الموتر خفيييييف مايضر بصحه

    وسلامت راسك

Comments are closed.