السلام عليكم ورحمة الله وبركاته ..
شحالكم ياعرب الله ربكم الا ابخير .؟
ندخل في صلب الموضوع على طول ..
ياليت من أي حد له علاقة بالتزيين أو بالتعديل يبدي رأيه :
انا عندي استيشن اليديد 2009 لون ذهبي جي اكس آر 8 وناوي اغير فيه اشياء يعني اخليه مختلف عن غيره وخاطري أرتبه واعدله واللي له علاقه بالسوالف هذي يطرح لي فكرته عسب استفيد والكل يستفيد علماً اني من هل بوظبي يعني خاطري يكون المحل في بوظبي وضواحيها ويحط اسم المحل ورقمه واسعارهم عسب نتواصل وياهم ..
واتمنى من أي حد يحدر على الموضوع يضيف فكره من أفكاره في مايخص تزيين الموتر أو تعديله أو ترتيبه ..
وسامحووني على المغثه خوان شما : )
ما يبالها غير رنقات 22 انش وتنزيله بسيطه ودعيلي
الإسبير تحت يالغالي .. وبخصوص الإصطابات انا مركبنهن وتواير الـ 900 مافيني على القير والرودات بت عمي : ) ..
ومشكوور يالغالي وماقصرت ويعلك في ذخر يارب ..
اهلين وسهلين شيخي ..
بخصوص الإصطابات والشاشه والقباضات كلهن مسونهن بس الرنقات محتار وانا اخوك مافيني يروح عليه القير او الدفريشينات عسب الرنقات ..
وقلنا بنشووف شو يديد الأخوان لآني بصراحه ماعندي فكره لين اهناك في التضبيط ..
وألف شكر عزيزي وربي يعطيك على قد نياتك ويطول بعمرك ..
اخوي السبير فوق ولا تحت ؟
اذا السبير فوق
اجلع التاير وخل الحديده بس
ركب صطابات لكزس
عطه 900 ودااااون شوي
وعليك باريل طويل ورا
هلا الغالي
بخصوص تعديل الاستيشن
بما ان السته سلندر مافيه شاشه ركب له شاشه + كيمرا خلفيه
(فلاي اوديو) او ( كنود
غير الاصطابات الاستيشن وركب اصطابات اللكزس
غير الرنقات ..
وغير الشبك اللي جدام وحط كروم ولا اصبغه ..ولا اي شي ..
لبس السيتات تلبيسه تجذب .. ( ابن الباديه ) في مصفح
لو عندك 2008 ركب قباضات الكروم مالت البيبان وكروم خلفي
هاللي عندي حاليا ان تذكرت شي بردلك
بخصوص المحلات ترى مصفح مترروس ومن محل لمحل يختلف السعر