السلام عليكم
بداية أحب أشكر الأخوان مرزوق و gtr3000
لمساهمتهم في توفير خدمة CARFAX لأعضاء المنتدى
وبما أني من الناس اللي استفادوا من الخدمة فالشكر واجب
لكن …
للمرة الثانية ينقذني CARFAX من شراء سيارة لا تصلح للإستخدام “الآدمي” !!
في المرة الأولى كنت ناوي أشري هوندا وارد أمريكا
صاحب السيارة (عربي الجنسية بدون ذكر الدولة) ساكن في دبي
ويحلف بأغلظ الأيمان إن السيارة مالها مثيل في النظافة
صبغة الوكالة وبدون حوادث
وكنت على وشك أني أشتريها
وشفت موضوع الأخ gtr3000 عن CARFAX
وطلبت منه أن يشوف لي أي معلومات عن السيارة
وجزاه الله خير أرسل لي معلوماتها
أكتشف إنها كانت سيارة أجار
وحصل لها حادث قبل شحنها للإمارات
ويوم واجهت صاحب السيارة بالمعلومات أيضاً حلف بأغلظ الأيمان إنه ما يعرف
الحلفان ببيزة عنده
في المرة الثانية كنت ناوي أشتري سوبربان وارد أمريكا
صاحب السيارة (عربي الجنسية بدون ذكر الدولة) ساكن في الشارقة
ونفس الشي
يحلف بأغلظ الأيمان إنها وكاااااااالة
وإن اشتراها بنفسه لإستخدامه الشخصي
ولكن بسبب ظروف شخصية ولحاجته للكاش قرر إنه يبيعها
مع إنها “سيارة ما تتفوت”
شفت موضوع الأخ مرزوق عن CARFAX وأرسلت له رقم الشاصي
وجزاه الله خير رد علي
واكتشفت إنه أيضاً السيارة هذي كانت سيارة أجار
وتم بيعها بعد سنة تقريباً في المزاد
وبعدها بفترة تم بيعها لشخص ثالث
والشخص الثالث تعرض لحادث واعتبرت السيارة (Total Loss)
هذا غير إن العداد ملعوب فيه (Not Actual Mileage)
القصد من الموضوع
نصيحة لأي شخص ناوي يشتري سيارة وارد أمريكا إنه يشيك عليها عن طريق CARFAX
حتى لو فحصها عند أحسن كراج في البلاد
ياخي والله هذيله قوم الفول والحمص الا يغشوون الناس يباالهم ضرب فا انا من راااي اي واحد انقص عليه او بينقص عليه نسوي شله من 5 انفااار ونلعن والد ولديه ونخليه عبره لمن يعتبر
هي والله وااايد مفيد ,وشخصيا استفديت منه
,,بس حبيت اضيف معلومة
انه السيارة المدعومه في امريكا قد تكون دعمتها بسيطه واعيد وا كرر بسيط وبتحصل تقرير انها غير صالح للاستخدام في امريكا
لان مواصفات الامان الامريكيه غير عن الي عندنا
قبل ماتوصل الامارات كانت 75% منها متكنسل
مرت علي حالات مثل هذي انه 75% متكنسل,,بس شو الحادث بس الحادث ,كان من على الجنب اليمين الباب فقط وطلع ايرباك الباب
موفق بإذن الله … لك مني أجمل تحية .
معظم السيارات الأمريكيه ..تكون متهالكه …
شـكــ وبارك الله فيك ـــرا لك … لك مني أجمل تحية .
المشكله يحلفوون كذب وزوووور وبهتان ….. على عرض من الحياة الدنيا …
وفالأخير يظلمون الناس ويغشوون فالبيع ..
ويحسبونه هيّناً وهو عند رب العالمين شي كبير ….
وحسبي الله عليهم
السلام عليكم
شكرا اخوي عالموضوع
حبيت مساعدة الاخوان الي في منتدى
شي موتر حاب اخذه وهو وارد امريكا وحاب حد يعطيني تقرير الكارفكس لو سمحتوا
ويزاكم الله خير
jthbn36f550173980
ممكن ارسال التقرير عالخاص