السلام عليكم ورحمة الله وبركاته
الكثير منا متحسف ومتعلق واللي خايف واللي خسران ومب عارف شو يسوي
اللي صار يوم الخميس سببه تسيل قوي من محافظ اجنبيه + صادف هذا التسيل اخر تداولات الاسبوع وخروج المكشوف وهذه الاسباب مجتمعه سارعت عملية النزول لكي تكون قويه وقاسيه على الجميع..
اللي ابا اوصله واقول لا للخوف ولانزال في المسار الصاعد واللي سوف يستهدف مستويات كبيره باذن الله.
اللي يتكلم عن اعمار ونزوله عند 13,80 او 13,50 وحتى الى 13…انا اقول خله ينزل على راحته ولكن لامفر من رؤية ال19 هذا العام باذن الله…
احدى الرسائل اللي وصلتني تقول انه اخذ سهم املاك عند 5,35 وهل يبيع بخساره ام لا…فرديت عليه اذا كان مستثمر فماعنده خوف واذا نزل السهم اكثر فلن يهبط عن 4,90 باذن الله كحد اقصى..
يعني لو مكانه بمسك اللي شريته وكل ماينزل السهم 20 فلس عدلت وزدت الكميه..
المؤشر العام لدية يوم الاحد دعم قوي عند مستويات 5,975 – 5,985 واذا استطعنا يوم الاحد الصمود فوقها فبكون المؤشر في وضع ايجابي ..
وايضا يوجد قبلها دعم مهم ويمثل متوسط ال20 يوم عند مستويات 6000
اذا هبطنا من مستويات 5,970 واغلقنا اسفلها فايضا لايوجد شي يخلينا انخاف وسنتراجع الى مستويات 5,930 – 5,915
كسر مستويات 5,915 والاغلاق اسفلها يحركنا الى مستويات دعم ارتداديه وقويه عند 5,850 – 5,865
اذا لاداعي للخوف ولانزال في وضع ايجابي وسوف اكون معكم باذن الله للرد على استفساراتكم ووضع النصائح الممكنه للجميع
واعيد واكرر :
اللي صار يوم الخميس سببه تسيل قوي من محافظ اجنبيه + صادف هذا التسيل اخر تداولات الاسبوع وخروج المكشوف وهذه الاسباب مجتمعه سارعت عملية النزول لكي تكون قويه وقاسيه على الجميع..
والله يوفقنا لما في الخير للجميع
تحياتي وتقديري
مشكور اخوي على المعلقه الجميله
ولكن هذا الشي ذكرناه وتكلمنا عنه كثيرا انه البيع والشراء بيد المستثمر وحده وهذا شعار جميع المحللين في المنتدى. وشكرا للتذكير مرة اخرى
تحياتي لك